Maka 9:18 - BAṈARA KO VAIRU AMA LEVELEVEO

¹⁸ Ni so keru koa ziolo kovai baroa keru, kota ko piva vo miduku kale, ni ko ruakaruakaeva, ni taka o roinaroinaeka, ni matu lekuleku ko iva. Ni aṉata a basema ṉoko disaipeli madu tu keta va reriko koa ziolo, kiala, melai seta pui ke rovea,” kiolake.

Maka 9:18 교차 참조

Matiu 15:22

Nio kama pado rekoreko pui Jiu ama koa peuru kale ama ta ko kuevake Jisu kasi ni eri kikelake, “Tanala, ṉo Devita ko vikuvikula kalea laṉa, ṉota tauvela aṉa! Ako aṉako meqora ta ziolo kokai onobata ni kota kota matu verepa!”

Matiu 17:16

Aṉata a vati olani nio ṉoko disaipeli madu kasi melai seta pui ke rovea urikivo vo,” kiolake.

Matiu 8:12

Melai se kuleto o pitoemeni tu voko maba poso kaqe ta ke namumou kutumana kale. Ni sai nio seke zialoa koi ni taka ke roinaroinaekoa koi.”

Maka 11:23

Aṉata a bazuemela me, kala ta eri kiovou komia sopu kasi, ‘Zolai ni piave ivere kale!’ kiovou, ni vota pui niuniala opa elou voko bulo kale, melai o tuvevo puekou vo o kasekako quli ta kota ereilou, so inio Baṉara ta ova erekou voa maba.

Maka 9:17

Ni kala maba sea vaki kale ala ta o vati tiorikake ni eri kiolake, “Tanala, aṉata a vati kueva aṉavo meqora ṉokasi ziolo kovai onobatani ni pui o roveani pesio.

Maka 9:19

Nio Jisu ta eri kiolake, “Mea maba poso mela komia taku kalea mela ta puliama oqu samela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!” kiolake.

Maka 9:20

Ni seta ke vati olake voa rusu Jisu kasi. Ni so keru koa ziolo ko vea keru vo Jisu, kota ko pivake voa rusu miduku kale ni ko niuqeniuqelivake ni ko ruakaruakaevake.

Maka 9:26

Nio voa ziolo ta ota upaupatake, ni o niuqeniuqelivake voa rusu, sai kazo inio o saqorake vokale azo. Ni voa rusu ta ota vouva jaria velo, ni kiadama maba poso ta eri kikelake, “Vota ota vouva!”

Iruruputo 7:54

Ni so keru se Kauniseli kale amu keta va viqa keru vo Sitiveni ko pesio inio seta keta matu iqaike ni keta nanaburitake vai korakorailole vo.

Jiudi 1:13

Seta omadeuvo ko ivere kale ama tovoko poso jari, ni seko qurato sama kalo ta ko purata koko supalala jari. Seta omadeuvo koa suti poso ko pui ko luluekako ko ṉaviko keve jari, se inio vo Baṉara lula oma inainaekani kama pado matu kutumana kama zae tu seta noqola elo ke elou sai.