Maka 9:1 - BAṈARA KO VAIRU AMA LEVELEVEO

¹ Ni vota obeta olake bazubazuto ni eri kiolake, “Kake mela me koi mebeta evani mela ta puliako vou inio meta me lelou aṉa maba a eveni lala ta a lekasa puilou komia peuru ma peuru kale,” kiolake vo Jisu.

Maka 9:1 교차 참조

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 24:30

Ni ko quli ko tova inio aṉa maba a eveni lala ko mamola ta ko podakou aukale, nio kiadama maba madu miduku kale amu ta duki keta elou ni keta zialou, ni aṉa maba a eveni lala ta a qilou aukale ama leikale ni seta ke lelou aṉa a bizato ni aqasiele ama ṉaṉaidara sate.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Maka 13:26

Nio komi quli ko tova inio aṉa maba a eveni lala ta a buratou, ni a qilou aukale ama leikale ni se maba poso ta ke lelou aṉa aṉako matuma pizato ni ṉaṉaidara sate.

Maka 13:30

Ni aṉata mata a bazuemela me, komia kiadama quli ta ko ereilou puliako erisaṉama maba madu vou.

Luke 2:26

ni vo Tabu ala Auvana ta ovai puratikake vo ta vota pui opa vouvou melai vota o velou kuleto vo Baṉara o soroevo ala Pakio.

Luke 22:18

Aṉata a bazuemela me ta erisaṉa azo ta aṉata pui aba nozuekou komia vaini ko ju ti kobeta barolou vo Baṉara ko lekasa puo,” kiolake.

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Luke 9:27

Melai aṉata a bazuemela me, kake mela koi me evani mela ta puliako vou inio meta me qelou vo Baṉara ko lekasa puo,” kiolake.

Jone 21:23

So sole Jisu ko so kio kale avo, bazu ta ko aerake ta voa disaipeli ta pui opa vouvou kio sama, seke luluevani vo Jisu kasi. Melai Jisu ta pui opa kaseke ko vota pui opa vouvou kio. Eri pala inio kiolake, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio,” kiolake.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.