Maka 8:34 - BAṈARA KO VAIRU AMA LEVELEVEO

³⁴ Ni Jisu ta o nokaemake sea vaki ni voko disaipeli madu o ṉavi kasi ni eri kiolake, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉa ko luluelo kale omadeuvo vo maba vo o borikani jari o ṉaviko korosi, vo okai vouvo ama.

Maka 8:34 교차 참조

Matiu 10:38

Ni vo pui oka zariovo ala tolailo aṉako luluelo kale omadeuvo vo maba vo o borikani o ṉaviko korosi vo okai vouvo ama, vota pui o maleizika aṉavo disaipeli elo.

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 27:32

Ni so keru seke vati ola keru, seta ke toraevake kala maba Sairini ala o ṉi ta Saimone, ni se solodia madu ta ke zuruzuruevake vo tu o boriko Jisu ko korosi.

Maka 10:21

Ni Jisu ta o toiritoirivake voa maba ni o roquevake vo ni eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi, saita inio ṉo luluelou aṉa,” kiolake.

Maka 7:14

Ni vo Jisu ta o nokaemake mata sea vaki tu ke kilo vokasi ni eri ma kiolake, “Meta didielomo aṉa ni kai nianiimo ko eri.

Luke 13:24

“Meta matu madoekomo tu kai amaqeomo ko riro ama veutu, koko odiemelo ama me noqola kama saevo kale, ako kubo maba madu ta tuvevo ke madoekou tu amaqeo sai, melai seta pui kepa roveovou.

Luke 14:33

Ni Jisu ta o paikake mati pesio se ni eri kiolake, “So sole me melai uria kerukeruekomo meko luluelo aṉa. Puliala me azo ta aṉavo disaipeli opa elou, vo pui oka zariani vaeko kiadama quli voko sole.”

Luke 18:22

Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”

Luke 20:45

Ni so keru kiadama sea maba poso kebe tava viqa keru nio eri kiolake voko disaipeli madu kasi,

Luke 9:23

Ni vota mata eri kiolake sea kiadamu kasi, “Vo oka zariani luluelo aṉa ta vota pui o kerukeruilou o ṉavi o kiada, melai vota o tolailou kiadama ṉaniu aṉako luluelo kale omadeuvo vo maba vo o borikani voko korosi jari, vo okai vouvo ama.

Jone 10:27

Aṉako sipi poso ta keta la nianiieka aṉako kora, ni aṉata amai nianiia se, ni seta ke luluela aṉa.

Jone 19:17

Ni seta ke vati saqorake vo ni o ṉavi ta o borikake voko korosi, ni ke vati olake kama pado zaekale koko ṉi ta “Reikareika kama Lezu ko Zae.” Hiburu pesio, Jiu amu ko pesio kale, ta “Qoloqota” ka kikolako.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

1 Koriniti 15:31

Koe, a qaka ni visi poso, aṉako elo vou ko ededeu kale kiadama ṉaniu kale ta tuvevo, omadeuvo aṉako mela zoleilo me ta tuvevo jari, ko animeko omadeu vati elo vo animevo Lekasa Jisu Karisito ko katilako aṉa.

1 Koriniti 8:13

So sole aṉako kuo ko beku kasi ko katiziako sailao ta sarueko saṉa ko ivou aṉavo lotu kale ala lolo ta, aṉata maba pui mata aba tova kuovou koa sailao, tu aṉata pui a jouraevou aṉavo lolo sarueko kale.

1 Koriniti 9:19

Aṉata kala ruparupasi ala maba lala, ni puliala vo mabaku lala. Melai a ṉavi aṉata kiadamu vo nabulu a eva tu a lilimo kubo maba madu.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Pilipai 3:7

Ni koa taku kale komia kiadama quli ta matu qulepo ama aṉa kasi, melai komi quli ta utube ama ka kialake tu a ṉeamuvo vo Karisito.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

2 Tesalonaika 3:11

Eṉeta so kiṉela erisana, ako eṉeta ṉe viqa sole ta kake me azo ta lupalupa saevo elo kebeta eva ni edolomu ko iruruputo keta ma botebotea pueka.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Hiburu 13:13

So sole animeta me vaemou seke madoekani tu kati vailo se Jiu amu ko siqasiqa, ni meqai zomanou voko qurato.

1 Pita 4:1

Vo Karisito ta o tolai voko tupu kale, so sole me melai pizatomo koa omadeuma kerukeru vo Karisito ko jari ama kale, ako vo lula o tolaivani tupu kale ta pui opa erekou ko sarueko sole.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

2 Pita 1:14

Ako aṉata aqai nianiia ta aṉata sipole ada vouvou sole, vo animevo Lekasa Jisu Karisito olai bazuekevo.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.