Maka 8:11 - BAṈARA KO VAIRU AMA LEVELEVEO

¹¹ Ni kake Parese madu ta ke olake Jisu kasi ni kekai zariake madoevo vo, tu keta va kelo kama saruilo. So sole seta ke soroevake vo tu oma ereko kama aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu kio.

Maka 8:11 교차 참조

Matiu 12:38

Ni kake se vo Mosese ko Bazu ko nianiiekato ko maba poso ni se Parese madu ta eri kikelake, “Titisa, eṉeta ṉeqai zaria tu ṉota ṉo erekou kama aqasiele ama iruruputo tu eṉeta ṉe qelou,” kikelake.

Matiu 19:3

Ni kake se Parese madu ta ke olake Jisu kasi tu zara ke ivo seko madoevo kale, ni eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko kama kalo poso kale?” kikelake.

Matiu 21:23

Ni Jisu ta mata ota vaitake Jelepade kale ni vota o nianiiekimake se maba poso. Sai nio se raura kama siama madu ni se lotu tanamu ta ke olake ni ke kuimaevake vo Jisu, ni eri kikelake, “Lala inio o zarieṉa inio ṉota ṉo ereka komi quli, ni lala inio o katiṉa ṉo koa pizato?” kikelake.

Matiu 22:15

Ni se Parese madu ta ke padoivake omadeukoi ni ke vatovatoekake kama vatovatolo tu ke madoevo zaraevo vo Jisu seko kuimanao kale.

Matiu 22:18

Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Matiu 22:23

Nio koa omadeuma ṉaniu kale inio mata se Sadiusi madu se pui tuvevo ke ikani maba ko mata saevo voukale azo ta ke kuevake Jisu kasi tu ke madoevo zaraevo vo, ni eri kikelake,

Maka 12:15

Melai Jisu ta lula obe tamai nianiia seko ruqe ama vatolo, sole vota eri ma kiolake, “Meta mela zaria pala inio madoelo aṉa! Kati kuemoni ka pado koa siliva seleni tu a qelo,” kiolake.

Maka 2:16

Ni kake vo Mosese ko Bazu kekai nianiiekatani, Parese madu ta ke veake vo Jisu ko mati vuato se Jiu ama lotu tanatanamu se ruqe amu ma kikelani, ni se takisi ke koani, ni eri kikelake, “Noi sole inio nea maba ta ota vuata nia maba poso se takisi ke koani ni se ruqe amu sate?” kikelake.

Maka 9:16

Nio Jisu ta o kuimaemake voko disaipeli madu ni eri kiolake, “Loma quli kio me meqai zolizoliekiniako?” kiolake.

Luke 10:25

Ni kala maba Mosese ko Bazu okai nianiiekatani ta o kuevake ni o madoevake sipativo vo Jisu. So sole vota eri kiolake vo Jisu kasi, “Tanala, Nianiiekato ko maba ṉa! Loma quli a erekou nio aṉata a qovou ko noqola kama saevo?” kiolake.

Luke 11:16

Ni mata kake se pui ke tuvevo puevani ta keka zariake sipativo vo Jisu so sole seta ke bazuevake vo tu vota o ereko kama pado aqasiele ama iruruputo tu o puratiko vo Baṉara ko pizato vokasi ama kikelake.

Jone 4:48

Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

Jone 6:30

Nio seta eri va kikelake, “Noni ama aqasiele ama iruruputo ikio ṉota ṉo erekou tu eṉeta ṉe qelou ni ṉe duvevo pueṉou ṉo? Loma ikio ṉo ereko ama?

Jone 7:48

Meta mevai nianiiani nio kala pado sea tanatanamu azo ma kala pado eṉea Parese ṉela azo ko tuvevo puevo vo kio?

Jone 8:6

Seta so kikelake tu seta ke madoevo, tu seta kevai zuakaeko ko titizato kikelake sole. Melai Jisu ta ota loquloqutake puliama pesio sate ni ota rikitake miduku topi voko ṉase kale ama seseu kale.

Iruruputo 5:9

So sole Pita ta eri kiolake kokasi, “Noi sole inio ṉo ni ṉovo lasive ta qe korotikala tu qeta qe madoevo vo Baṉara vo Tabu ala Auvana? Sea lasive rusu se kepa mutavani ṉovo lasive ta veutu ketaketa kebeta eva, ni seta mata kepa boriṉou ṉo ni ke ṉati saqorou!” kiolake.

1 Koriniti 10:9

Animeta pui me madoevo vo Karisito tu tava kelo vota o titizimelou ma pui kio, omadeuvo kake seke iveni jari. Seta so ke kae nio ko dole poso ta ko vouvaemake se.