Maka 7:34 - BAṈARA KO VAIRU AMA LEVELEVEO

³⁴ Ni Jisu ta o tadatake aukale vasi, ni ota voniu kozatake, ni eri kiolake voa maba kasi, “Epata.” Ako koko kio ni kalo Jiu pesio kale ta, “Pa, kive!”

Maka 7:34 교차 참조

Maka 1:41

Ni vo Jisu ta o matu roquevake vo, ni o rauqazake ni o tibaevake vo ni eri kiolake vokasi, “Aqa zaria, tu urike!” kiolake.

Maka 15:34

Ni matu sebiviuru keru inio Jisu ta ota velavelaoke ni eri kiolake o ṉaviko pesio kale, “Eloi, Eloi, lama sabakatani?” koko kio ni kalo ta, “A Baṉara ṉa, a Baṉara ṉa, noi sole inio ṉo vaela aṉa?”

Maka 5:41

Ni vota ota ka noqoekake koko ṉase ni eri kiolake, “Talita kumu,” koko kio ni kalo Jiu mu ko pesio kale ta “Ṉoiza, aṉata eri kiala, ṉota zolai!”

Maka 6:41

Ni vo Jisu ta o koake koa sike bereti ni koa omuqa niuniu, ni o tadatake aukale ni o kati vararaitake ni uriavo o kasekake Baṉara kasi. Ni vota o palapalamukake ko bereti ni o katimake voko disaipeli madu, ni sea disaipeli madu ta kema puarikake sea vaki, ni mata oma puarikake koa omuqa niuniu sea kiadamu.

Maka 7:35

Ni koa omadeuma taku kale inio voa maba ta ota viqaviqazatake ni ota uria pesiake.

Maka 8:12

Melai Jisu ta ota voniu kozatake ni eri kiolake, “Noi sole inio mea maba poso mela komia taku kalea mela ta meqai zaria kelo ko aqasiele ama iruruputo? Tuvevo avole aṉata a bazuemela me, aṉata pui aba erekou ko aqasiele ama iruruputo tu meta me qelou,” kiolake vo Jisu.

Luke 18:42

Nio Jisu ta eri kiolake vokasi, “Keazakeazate tea erisaṉa! Noko vai oqu vo Baṉara ta ko urikiṉa ṉo sole.”

Luke 19:41

Ni vota o baroake Jerusalema matu peuru ko ketaketa, ni so keru vo o keve keru ko, vota oka ziake ko,

Luke 7:14

Ni Jisu ta o olake ni o tibaekake koa vouma tupu sama bourobouro, ni seke borikani ko ta keta dokolake talio. Ni Jisu ta eri kiolake, “Vairu ala maba ṉa, zolai!” kiolake.

Jone 11:33

Ni Jisu ta o keake koko zialo, ni mata o meake sea maba poso seke evani ko sase zialo, ni kota kota va tibaekake voko bulo, ni matu duki kota va ikake.

Jone 11:35

Ni Jisu ta ota ziake.

Jone 11:38

Ni matuma upotuqu sase mata Jisu ta o olake keaka niami kasi, lado tibulu sama.

Jone 11:41

Nio seta ke bekolikake ko lado. Ni Jisu ta o tadatake ni o vararaitake ni eri kiolake, “Matu uri, Mama, ṉota lula ṉoda la viqa aṉa.

Jone 11:43

Ni voko so kio ko tova inio vota o nokaoke matuma kora kale, “Lazarasi saqore!” kiolake.

Jone 17:1

Ni Jisu mati pesio voko disaipeli madu ko tova inio vota o tadatake aukale vasi ni eri kiolake, “Mama, taku ta kota baroa, tu kasa pueka ṉovo Meqora lala ko ṉaṉaidara se maba poso kasi, tu aṉata a roveovou kasa pueko ṉoko ṉaṉaidara.

Iruruputo 9:34

Nio Pita ta eri kiolake vokasi, “Iniasi, vo Jisu Karisito ta o urikiṉa ṉo. Loje ni lokieka ṉoko kobo,” kiolake. Nio Iniasi ta taukavole o lojoake.

Iruruputo 9:40

Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.