Maka 7:15 - BAṈARA KO VAIRU AMA LEVELEVEO

¹⁵ Pui sailao vo maba o kuako ikio kaqa ko iva vo Baṉara ko vilu kasa, melai ko pesio koko saqorako voko suto kale azo ikio kaqa ko iva vo maba Baṉara ko vilu kasa,” kiolake.

Maka 7:15 교차 참조

Matiu 12:34

Meta dole jaria ruqea mela, me ruqe ama maba poso mela ta pui me rovea kaseko ko uri ama quli. Ako ko quli vo maba ko bulo kale ko sukatako quli kio vota o rukueka voko suto kale sole.

Matiu 15:16

Ni Jisu ta eri kiolake sekasi, “Me melai niuniala mebeta eva se jari, kio?

Maka 7:14

Ni vo Jisu ta o nokaemake mata sea vaki tu ke kilo vokasi ni eri ma kiolake, “Meta didielomo aṉa ni kai nianiimo ko eri.

Iruruputo 10:28

Nio vota eri kiolake sekasi, “Meta meqai matu uria nianiia ta eṉea Jiua ṉela ta pui ko zarieṉela eṉeko lotu bazu tu eṉeta omadeu ṉe melati elou ni ṉe joipimelou me pui Jiu amu mela kio. Melai vo Baṉara ta lula kasa ola ika aṉa tu aṉata pui a qerukeruemelo me koa bazu ko lulueko kale tu aṉata meta tabu tu melati lolopareo me mela kiavo.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

1 Koriniti 10:25

Kota ko mela zarizia tu meta me quovou ko marabau ko me dabarikako tatabarao ko zaekale. Meta pui tiṉoliṉoli kai elo ni pui meqai kuimakuimanaovou koa marabau.

Taitasi 1:15

Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

Hiburu 9:10

Koa katizato poso, ni siqasiqa poso, ni mata sailao ni ju ni lomaloma ko bulebule iko ko bazu, ta tupu kale ama quli ko bazu vo Baṉara o puarikema puju ama taku kaqe pala ni kota kota paita voko besieko kale kiadama quli.