Maka 6:6 - BAṈARA KO VAIRU AMA LEVELEVEO

⁶ Nio vo Jisu ta ota matu vuzeike, ako seta maba puliama tuvevo puto samu vokasi sole. Ni Jisu ta ota olake saizama zavaṉa poso kale, ni o nianiiekimake se maba poso.

Maka 6:6 교차 참조

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Matiu 8:10

Ni so keru Jisu o viqa keru ko quli, vota aqasiele ota evake ni vota oma lilitake sea maba poso seke luluevani vo ni eri ma kiolake se, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu!

Matiu 9:35

Ni vo Jisu ta okai taliake kiadama matumatuma peuru poso ni silosilo ama zavaṉa poso. Ni vota o nianiiekatake seko ilusato ko pade poso kale, ni okai bazubazutake ko Uri ama Bazu vo Baṉara ko lekasa puo ko. Ni vota o urikimake maba poso seko azaazama vere poso kale azo.

Maka 1:39

So sole vo ni voko disaipeli madu ta kekai taliake kiadama zae poso Qalili, ni vota o bazubazutake seko ilusato ko pade poso kale ni o rerikake ko ziolo poso.

Maka 10:1

Ni Jisu ta o vaekake koa zae, ni ota olake Jiudia rana ni ota pakeake Jodani sukuru kale. Ni sai nio matu kubo maba ta mata kevai padoivake, ni vota o nianiiekimake se, kiada keru obeta kavani.

Luke 13:22

Ni Jisu ta o olake matuma peuru poso kale ni sasa zavana poso kale ni o bazubazuemake se maba poso voko talio kale ko Jerusalema peuru kale.

Luke 4:31

Ni Jisu ta o olake Keponeami, kala pado peuru Qalili ala, ni sai nio vota o nianiiekimake se maba poso Sabati ṉaniu kale.

Luke 4:44

So sole vota obeta olake bazubazuto se Jiu mu ko ilusato ko pade poso kale seko peuru poso kale.

Jone 9:30

Nio voa maba ta o mati tiorikake se, “Koe! Matu aqasiele ama quli ko meta pui meqai nianiia sai vo o kuevikoi kazo, melai nio vota ola leqosikala aṉako omuqa vilu!

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.