Ni so keru Jisu o viqa keru ko quli, vota aqasiele ota evake ni vota oma lilitake sea maba poso seke luluevani vo ni eri ma kiolake se, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu!
Nio sea kiadama maba poso ta keta vuzeike ni eri kikelake ke ṉavio kude, “Loma quli kio komi? Esa komi ta kama vairu ama nianiiekato ikio? Ako nea maba ta pizato sala ni o riqaeka ko ziolo poso, ni kota ko zoriva sole!” kikelake.
Nio so keru se kebe vea keru, inio voa maba ta ota lojoake, ni o lokiekake o kobo, ni ota olake. Nio sea kiadamu ta aqasiele keta evake ni ke ilusivake vo Baṉara, ni eri kikelake, “Lulavo azo ti pui me qeani eri jari ama quli,” kikelake.
Nio vo Jisu ta o lojoake ni o kaqarikake ko ururu ni eri kiolake, “Epeze!” ni vota mata o kaqarikake ko boguzu ni eri kiolake, “Buleovi!” ni ko ururu ta kota epezake puzeto, ni ko boguzu ta kota buleake, ni koa varo ta matuma manilo kota evake.
Melai sea disaipeli madu ta keta matu ṉake ni eri kikelake ke ṉavio kude, “Nonia matu aqasiele ala maba inio vo nei? Ururu ni boguzu melai ko zorivani!” kikelake.
Ni so keru sea maba poso keta va viqa keru Jisu ko bazu, seta keta matu vuzeike, ni eri kikelake, “Noni ala maba inio vo nei, ako kiadama quli ti vota o rovea uria ereko, se pui ke viqaviqazatani ni pui ke pesiani melai vota o urikima,” kikelake.