Maka 6:41 - BAṈARA KO VAIRU AMA LEVELEVEO

⁴¹ Ni vo Jisu ta o koake koa sike bereti ni koa omuqa niuniu, ni o tadatake aukale ni o kati vararaitake ni uriavo o kasekake Baṉara kasi. Ni vota o palapalamukake ko bereti ni o katimake voko disaipeli madu, ni sea disaipeli madu ta kema puarikake sea vaki, ni mata oma puarikake koa omuqa niuniu sea kiadamu.

Maka 6:41 교차 참조

Matiu 14:19

Ni vota o bazuemake sea maba poso tu seta ke papu muli seulele topi, ni vota o koake koa sike bereti ni omuqa niuniu ni vota o tadatake aukale ni o kati vararaitake ni uriavo o kasekake Baṉara kasi. Nio vota o palamukake koa bereti poso ni o katimake se disaipeli madu, ni se disaipeli madu ta ke katimake se maba poso.

Matiu 15:36

Ni vota opa koake koa sikeura silo ama bereti ni niuniu, ni o kati vararaitake ni uriavo o kasekake Baṉara kasi, ni o palapalamukake ni vota o katimake o disaipeli madu, ni se disaipeli madu ta ke puarikake sea maba poso kasi.

Matiu 26:26

Nio se kebeta vuata keru inio Jisu ta o koake ko bereti, ni mauru o ikake, ni o palamukake ni o katimake voko disaipeli madu, ni eri kiolake, “Komi ta ko mamola pueka aṉako tupu. Meta komo ni kumo,” kiolake.

Maka 14:22

Ni se kebeta vuata keru nio Jisu ta o koake ko bereti, ni mauru o ikake, ni o palamukake ni o katimake voko disaipeli madu, ni eri kiolake, “Komi ta ko mamola pueka aṉako tupu. Meta komo ni kumo.”

Maka 6:40

So sole sea maba poso ta tetebara papu ke evake omadeu paizana sike toni mati kama poqala kale.

Maka 6:42

Ni sea kiadamu ta ke vuatake ni keta atapake muli.

Maka 7:34

Ni Jisu ta o tadatake aukale vasi, ni ota voniu kozatake, ni eri kiolake voa maba kasi, “Epata.” Ako koko kio ni kalo Jiu pesio kale ta, “Pa, kive!”

Maka 8:19

so keru aṉa a balamuke keru sike bereti se sike vuro maba kasi kio? Ni latau suakao kio meme jukatikema koko palakiovima sailao?” Ni seta ke vati tiorikake ni eri kikelake, “Toni omuqa suakao,” kikelake.

Luke 24:30

Nio vota o papuake nioqa sate, ni o koake ko bereti ni mauru o ikake, ni o palamukake ni o katikake nioqa.

Luke 9:16

Nio Jisu ta o koake koa sike pado bereti ni koa omuqa niuniu, ni vota o tadatake aukale vasi ni vota o kati vararaitake ni uriavo o kasekake Baṉara kasi, ni o palamukake, ni vota o katimake ko voko disaipeli madu tu kema puariko se maba poso kiolake.

Jone 11:41

Nio seta ke bekolikake ko lado. Ni Jisu ta o tadatake ni o vararaitake ni eri kiolake, “Matu uri, Mama, ṉota lula ṉoda la viqa aṉa.

Jone 17:1

Ni Jisu mati pesio voko disaipeli madu ko tova inio vota o tadatake aukale vasi ni eri kiolake, “Mama, taku ta kota baroa, tu kasa pueka ṉovo Meqora lala ko ṉaṉaidara se maba poso kasi, tu aṉata a roveovou kasa pueko ṉoko ṉaṉaidara.

Jone 6:11

Sai nio Jisu ta opa koake koa bereti ni o kati petaoke Baṉara kasi, ni vota oma puarikake sea maba poso sai ke papuani. Ni koa omadeuvo jari oma ikake koa omuqa niuniu. Ni sea kiadamu ta kekai atapake.

Jone 6:23

Nio kama koaka poso Taibiriasi ama ta ko varerike sai sea matu padopadoilo ke kiekoi ko bereti ko sipole, Lekasa o kati petaovima ta kubo ko evema.

Iruruputo 27:35

Ni voko so kio ko tova, Paula ta o koake kama bereti, ni vota o kasekake voko uriavo Baṉara kasi sea kiadamu ko tanama kale, ni vota o palamukake ko, ni vota o tanitake kuo.

Romu 14:6

Vo tabu o ikani ko ṉaniu ta ovai rauraeka vo Baṉara koa ṉaniu, ni vo o kuovo ala ko marabau vo melai ovai rauraeka vo Baṉara koa keve kale kude, ni vota o ilusiva vo Baṉara.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.