Koa sisu koko piako keve tona ta ko mamola puema sea maba poso seke viqani ko bazu vo Baṉara ko lekasa puo ko, melai pui ke paqumukani. Nio vo Setani ta o kueva ni ota ma ṉamuka koa bazu koko piako seko bulo kale.
Melai vo Jisu ta o vati tiorikake ni eri va kiolake, “Ose, Setani! Ako ko Tabu ama Riki kikolani ta eri nio sole, ‘Ilusiva vo Baṉara vo ṉovo Lekasa ni va nabulupute vo o kiada!’” kiolake.
Ni koa rui koko piako keve tona ta ko mamola puema seke viqani koa bazu, melai vo Setani ta o kueva ni vota ota ma koa koa bazu seko bulo kale azo tu seta pui ke tuvevo puto tu ke pakio.
Ni so keru seke viqe keru koa mata saevo voukale azo inio kake ta kevai balebaleitake vo, melai kake ta eri kikelake, “Eṉeta ṉeqa zaria taṉa viqo mata ko ṉo ṉoqai bazutako quli,” kikelake.
Nio Pita ta eri kiolake vokasi, “Ananaiasi, noi sole inio ṉota ṉo lekasa pueva vo Setani ṉoko bulo kale ni ṉota ṉo lipalipaeva vo Tabu ala Auvana ṉo taka ṉeamuko kale kama kobu seleni ṉo ṉoqai tatabaraolama lomaloma kale azo ko puratalama kale azo?
Voa matu ruqe ala maba ta o kilou vo Setani ko pizato sase ni vota o erekou kiadama lipalipa kama urikato ni aqasiele ama iruruputo tu o lipalipaemo maba poso ni vota Baṉara jaria kerukeruevo ke elou,
Balauvomo tu puliala maba ta o ereko jou kama iruruputo ni kutumana iruruputo. Ako kutumana iruruputo ikio vo Isoa o erekema so keru vo okai tatabaraovi keru vo kuleto ala meqora ko puaro vovo visi Jekopi kasi, tu o kovo silo pala sailao.
Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.
Nio vo Setani, vo o lipalipaemani se, ta ke risaevou nai sama uza ko urusana ko tiania, sai vo biaṉa ni vo lipalipa kala poropita lula ke risaekakoi. Sai nio sea zouke ke kovoa koi ko noqola kama tola ipu ni ṉaniu, latau ṉaniu ni ka ṉaniu.