Nio Jisu ta eri kiolake sekasi, “Aṉata a quimaemelou me, loma ikio vo Mosese ko Bazu ko mela zariekako anime tu me ereko Sabati ṉaniu kale? Ko mela zarieka ko tauvezato ma ruqe ereko? Ko mela zarieka ko maba ko saevo pakieko ma niumaeko?” kiolake.
Sokale meta me moveva kala lasive meqora Sabati ṉaniu kale tu Mosese ko Bazu ta pui ko niumailo, so sole noi sole inio meta melai korakoraiva aṉa, aṉako urikivo kale kala maba voko vere kale azo Sabati ṉaniu kale?
Ako koa kiadama eṉeko tapata poso ta meko tauvemelo kaqe sole. So inio vo Baṉara ta kobeta ziovou pakiemo matu kubo madu voko pakiezato sama roquano kale ni vota o odiemou sea kiadamu tu seta ṉaṉaidara ke ivou vo Baṉara seko kativo kale seko uriavo seko vararaito kale.
So sole meta pui zariemo kake tu seta kuiripato saṉa ke imelo me, me ko melai bazueko kale ko “pui kuo kama sailao” ma “pui nozueko ko ju,” ma meko “tabu iko kama ṉaniu poso,” ma meko “tabu iko kaboso kokai puratako ṉaniu poso, ma sabati ṉaniu.”
