Maka 2:25 - BAṈARA KO VAIRU AMA LEVELEVEO

²⁵ Nio vo Jisu ta o mati tiorikake se ni eri ma kiolake, “Meta pui me baqumukako ikio ko Tabu ama Riki kikolani, vo Devita o kaevo so keru vo ni voko vaki ke luape keru?

Maka 2:25 교차 참조

Matiu 19:4

Nio Jisu ta o mati tiorikake ni eri ma kiolake se, “Meta pui me ataekako ikio ko Tabu ama Riki kikovevo, kio? Ko eri kikovema, koko tanitanila kale inio vo Baṉara ta o ereke ko maba lasive ala ni reko ama kikovema.

Matiu 21:16

Nio seta ke kuimaevake vo Jisu ni eri kikelake, “Ṉobe viqa seko ilusiṉo ni rauraeṉo ṉo, kio?” kikelake. Nio Jisu ta o mati tiorikake se ni eri kiolake, “Zio, melai meta pui me ataeka ko ikio ko Tabu ama Riki ko kasekema, ko eri kikovema, ‘Ṉota ṉo nianiiekima silosilo amu ni molele poso tu ke ilusiṉo ṉo’ kikovema?”

Matiu 21:42

Nio Jisu ta mata eri kiolake sekasi, “Sole meta pui me ataeka ko ikio ko Tabu ama Riki kikovevo? Ko eri kikelako, ‘Koa lado se pade ke erekani kekai keduima pui uri ama ka kikevema, ko ikio erisanama qulepo ama pade ko lado kiadama lado poso azo. Kota vo Baṉara inio soa ereko o eve ni matu aqasiele koko uria kelo,’ kikelako.

Matiu 22:31

Melai meta pui me duvevo pueka se voumu ko mata saevo, ta meta maba pui me baqumukani mela inio vo Baṉara mela kiovevo, ko eri ka kikovema,

Matiu 4:2

Nio Jisu ta ariku toni ṉaniu ni ariku toni ipu o evake sai, melai vota pulia quli o kuake, so sole vota ota matu luapake.

Maka 12:20

Ni iniseana koi ke eveni sikeura tamania, ni sevo kaka ta o raekake ka pado reko ni puliako tu kati keu vota ota vouvake puliako meqora saṉa elo.

Maka 12:26

Melai meta pui me duvevo puekou se voumu ko mata saevo, ta meta maba pui me baqumukani mela inio vo Mosese ko buka ko kasekako koa urusana ko bainema sasa ore topi sai o eve keru ama bazu. Ako sai nio ko rikiziovikoi sole vo Baṉara ko eri vati kio vo Mosese, ‘Aṉa inio vo Ebarahami vo Baṉara lala ni vo Aisake vo Baṉara lala ni Jekopi vo Baṉara lala,’ kikovekoi.

Maka 2:24

Nio so keru se Parese madu ke kea keru komi quli, seta eri kikelake Jisu kasi, “Noko disaipeli madu ta ke ereka komi quli Sabati ṉaniu kale, ni seta ke pazoka inio animeko Bazu vo Mosese o katimelema,” kikelake.

Maka 2:26

Tabu ama Riki kikolani ta vota o amaqeake Baṉara ko pade kale, Abiata Ṉisa Siama o eve keru, ni o koake ko bereti Baṉara kasi ko katiziovima, ni o kuake ko, ni mata o katimake voko maba poso. Koa kalo ta ko bikoirika Mosese ko Bazu ako koa bereti ta siama madu ke kiada inio koma zarizia tu ke kuo. Melai vo Baṉara ta pui opa vai korakorai vo Devita, sole me melai pui me ṉelai korakorailou eṉe.”

Luke 10:26

Ni vo Jisu ta o vati tiorikake vo ni eri kiolake vokasi, “Noi nio ko Tabu ama Riki kikolani? Ni loma ikio ṉoṉo diromikako sai?” kiolake.