Maka 2:16 - BAṈARA KO VAIRU AMA LEVELEVEO

¹⁶ Ni kake vo Mosese ko Bazu kekai nianiiekatani, Parese madu ta ke veake vo Jisu ko mati vuato se Jiu ama lotu tanatanamu se ruqe amu ma kikelani, ni se takisi ke koani, ni eri kikelake, “Noi sole inio nea maba ta ota vuata nia maba poso se takisi ke koani ni se ruqe amu sate?” kikelake.

Maka 2:16 교차 참조

Matiu 18:17

Melai voa maba ta obeta pikipikinio putou ni pui o didiekou se kikelani ta so keru inio ṉoqai bazutou lotu maba poso kasi, ni sai melai pui o zoripatou so keru inio vota omadeuvo kala ruqe ala ni kutumana kale ala jari o elou ṉoko kerukeru kale.

Matiu 5:46

So sole meta me roquemou pala seke roquemelani me, ta pui ko male tu vo Baṉara ta reketekete saṉa o imelo me, ako se ruqe amu se takisi ke koani melai keta rovea ereko sole so jari.

Matiu 9:11

Nio kake se Parese madu ta ke keake ko quli, ni ke kuimaemake voko disaipeli madu, ni eri kikelake, “Noi sole inio mevo tanala ta o mati vuata nia maba poso se takisi ke koani ni se ruqe amu?” kikelake.

Maka 2:15

Ni koko tova inio Jisu ta ota vuatake Livai ko pade kasi. Melai matu kubo takisi ko maba poso, ni matu kubo madu se Jiu ama lotu tanatanamu ruqe amu ma kikelani ta ke luluevake vo Jisu, so sole kake sekale amu ni o disaipeli madu ta ke zomanake vuato Jisu sase.

Maka 2:7

“Noi sole inio nea maba ta soa pesio ota eva? Vota ota aṉararaiva ta vota Baṉara jari inio! Ako vo Baṉara o kiada inio o roveani akoeko sole ko sarueko,” kikelake.

Luke 18:11

“Ni vo Parese ta o edoliake lojolo o kiada ni o vararaitake ni eri kiolake, ‘Aṉata a ilusiṉa ṉo, Baṉara, aṉata pui kuilokuiloa lala ni pui lipalipa kalala, pui a zavematani lala, kiadama maba poso jari. Aṉata a ilusiṉa ṉo aṉata pui voa takisi o koani jaria lala.

Luke 19:10

Ako aṉa maba a eveni lala ta a quevi vailimole ni pakiemole seke mumaivani,” kiolake.

Luke 19:7

Nio kiadama maba poso ke keve keru koa kalo, seta ke taniekake ṉuruṉuruo, ni eri kikelake, “Nea maba ta ota ola ni ota eva vo ruqe ala maba ko pade kale!” kikelake.

Luke 5:30

Nio kake Parese madu ni se Mosese ko Bazu kekai nianiiekatani maba poso ta ke ṉuruṉuruake vo Jisu ko disaipeli poso kasi ni eri kikelake, “Noi sole inio meta me qeazata ni me nozuta nia maba poso se takisi ke koani ni se ruqe amu sase?” kikelake.

Iruruputo 23:9

Ni matuma ṉiṉoreo ta ko evake sai, ni kake se Mosese ko Bazu kekai nianiiekatani se Parese madu ko poqala kale ke evani ta ke lojoake ni matuvole eri kikelake, “Eṉeta pui ṉeda va kea kama sarueko nea maba! Esa kama pado auvana ma mateana ta ko vati pesiovi vo!” kikelake.

1 Koriniti 2:15

Melai vo lula o koani ko Auvana, ta kokale o rovea titiziko kiadama iruruputo tu ota ka kelo koko uri ma ruqe; melai puliala maba ta opa titizivou vo.

Hiburu 12:3

Meta kerukeruevomo vo Jisu, vo pui opa lupaovini tu vota o tolailo koa tola vo o koema tola se sarueko sama maba madu ko ṉase topi se kevai kideipeni vo. So sole meta pui duki ni koqo elo meko bulo poso kale.