Maka 2:12 - BAṈARA KO VAIRU AMA LEVELEVEO

¹² Nio so keru se kebe vea keru, inio voa maba ta ota lojoake, ni o lokiekake o kobo, ni ota olake. Nio sea kiadamu ta aqasiele keta evake ni ke ilusivake vo Baṉara, ni eri kikelake, “Lulavo azo ti pui me qeani eri jari ama quli,” kikelake.

Maka 2:12 교차 참조

Matiu 12:23

Ni sea padopadoilo ta aqasiele kekai evake Jisu o erekako iruruputo. Ni seta eri kikelake, “Esa nei nio vo Devita ko vikuvikula kale ala, voa Pakio vo Baṉara mai opa soroevo ala?” kikelake.

Matiu 15:31

Nio sea maba poso ta keta vuzeike so keru ke mea keru se poka kamu ta keta pesiake ni se raiqo amu ta keta urikake ni se lepu amu ta keta taliake ni se leqa kamu ta keta keazakeazatake sole, ni seta ke ilusivake vo Izireli mu vo Baṉara.

Matiu 9:33

Melai vo Jisu ta ota va rerikake koa ziolo ni voa maba ta ota pesipesitake, ni sea kiadamu ta keta vuzeike, ni eri kikelake, “Animeta puliaka taku inio meba keve eri ama quli komia kiadama Izireli zaekale!” kikelake.

Matiu 9:8

Nio so keru sea maba poso ke kea keru ko quli ko ereivako quli, seta keta ṉake ni ke ilusivake vo Baṉara voko kativo kale ko urikato ni akoekato ko pizato ke ṉavi jari ala va kikelani.

Maka 1:27

Nio sea kiadama maba poso ta keta vuzeike ni eri kikelake ke ṉavio kude, “Loma quli kio komi? Esa komi ta kama vairu ama nianiiekato ikio? Ako nea maba ta pizato sala ni o riqaeka ko ziolo poso, ni kota ko zoriva sole!” kikelake.

Maka 2:11

“Ṉota loje ni lokieka ṉoko kobo ni ola ṉo bade kasi!” kiolake.

Luke 13:13

Ni vota okai ivikake ko voko omuqa ṉase, ni koa taku kale kota kota sidopua lojoake ni ko ilusivake vo Baṉara.

Luke 17:15

Nio kala pado se azo vo o kea keru voko uriko, vota o ilusivake vo Baṉara voko matuma kora kale ni vota o vaitake.

Luke 5:26

Nio sea kiadamu ta keta matu vuzeike. Ni keta matu ṉake, ni seta ke ilusivake vo Baṉara ni eri kikelake, “Matu aqasiele ama quli me qealama vairutu!” kikelake.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Jone 7:31

Melai kubo madu koa padopadoilo kale amu ta ke tuvevo puevake vo, nio eri kikelake, “Nei tivoine voa Baṉara o soroevani Pakio o kuevini, vo puliala ota vai paloasani vo o erekako aqasiele ama iruruputo,” kikelake.

Jone 9:32

Peuru ma peuru ko tanite keru azo ti kokai baroa komia vairutu ta pui nio ko dimania ko kala maba ta lula ota va leqosika ko vilu voa maba vo leqa alilo o eveni kio.

Iruruputo 4:21

Sole se Kauniseli madu ta matu piza kama balauvato ko bazu ke katikake nioqa ni ke rupasikake. Ako seta ke keake ta puliama keve tu ke koqotaeko nioqa sole, ni sea kiadama maba poso ta ke ilusivake vo Baṉara, koko ereima quli kale avo.