“Meta lula meqai nianiia ta oqotiṉa inio Alokato ko Ṉojola ko matuma ṉaniu. So keru inio aṉa maba a eveni lala ta ke luavilou se aṉako kana madu kasi, ni ke vouvaelou aṉa korosi topi,” kiolake.
Melai seta mata eri kikelake, “Animeta pui me noqoevou vo koa matuma ṉaniu kale, ako pui uri tu matu kubo maba poso ta ke melai korakorailo anime ni ke erekou ko riṉoteṉote sole,” kikelake.
Ni koa taku kale ta iniseana kake maba poso pirito pade kale seke erekeni ko niumaniumato ni pazokinio Jerusalema seko vati pikipikinio puto kale vo Romu ala Qavuna, ni ke vouvaemeni maba poso. Ni kala sekale ala inio vo Barabasi.
Melai Saimone Pita ta o loivake veutu kupekupe. Voa disaipeli Ṉisa Siama ovai uria nianiiani ta o saqorake pade poro kale azo ni o kati pesiake veutu ko kati vailako sinaqu rusu, ni koko zariekato kale vota o vati amaqeake vo Pita pade poro kale.
Ni omuqa sabere kota paloasake inio Pokiasi Fesitasi ta o besievake voa Qavuna Filekisi. Ni Filekisi ta oka zariake zolemo se Jiu amu so sole vota o vaevake vo Paula pirito pade kale.
Melai Fesitasi ta oka zariake tu zolemo se Jiu ama tanamu so sole vota o kuimaevake vo Paula ni eri kiolake, “Ṉota ṉobe ka zariovou tu zio Jerusalema ni me madoekou taka vailiko komia kuiripato ko tuveano aṉako tanama kale sai kio?” kiolake.
