Melai se raura kama siama madu ni se Jiu amu ko tanatanamu ta ke zuruzuruemake sea vaki tu ke bazuevo vo Paelati tu oma rupasivo vo Barabasi, ni Jisu inio ke vouvaevou.
Nio Paelati ta mata o kuimaemake se, ni eri kiolake, “Sole loma quli kio a erekou nea maba kasi vo me eri va kimelani vo inio vo Jiu amu mela vo aikovakova va kimelani?” kiolake.
Nio seta ke velavelaoke matuma kora kale, “Pui! Pui nea maba! Eṉeta ṉeva zaria vo Barabasi tu o rupasio!” kikelake. Voa Barabasi ta kala muimuita puto ni kala zaṉeo ko maba.
Vo inio vo Tabu ala ni Sidopu ala, melai meta mevai kaikuape vo, ni meta mevai titiovi vo Paelati ni me baseve voa maba vo vouvato ko maba ta o rupasio ni vota o besievo.
