Maka 13:22 - BAṈARA KO VAIRU AMA LEVELEVEO

²² Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Maka 13:22 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Maka 13:21

“Ni kala ta eri kiovou so keru, ‘Keatini, nei nio voa Pakio vo Baṉara o pitoeveni!’ ma ‘Unei nio vo!’ kiovou melai meta pui tuvevo me ivou.

Maka 13:23

Melai koa kiadama quli kio aṉa a melai bazuekako puliako taku barolo. So sole meta vailomo,” kiolake vo Jisu.

Maka 13:6

Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoeveni lala!’ kikevou, ni ke saruemou matu kubo maba madu.

Jone 4:48

Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

1 Jone 2:18

A meqora poso, komia peuru ma peuru ko paitopaito ko taku ta sipole! Meta lula me viqe ta vo o kanaevo ala vo Karisito ta o kilou. Ni matu kubo vo Karisito ko kana madu ta lula koi, so inio animeta meqai nianiia ta ko paitopaito ko taku ta sipole.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

1 Jone 2:26

Aṉata a mela rikita me tu a melai balauvimo sea maba poso, se kekai zariani saruemelo me.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Kelokelozato 17:8

Voa biaṉa vo ṉo lula ṉo veani ta o saeve lulavo, melai vota pui o saevani vairutu. Vota o saqorou matu saqoroma soqili kale azo sai ziolo poso ko piriziakoi kazo ni vota o ziovou noqola tolailo kale. Se miduku kale ke evani maba poso se pui kopa tama rikiziovini seko ṉi poso noqola kama saevo samu ko ṉi ko buka topi puliako peuru ma peuru ereilo, ta keta vuzeilou muli ke velou keru voa biaṉa, vo o eveni lulavo, erisaṉa ta puliala, melai vota mata tova purato o elou.