Maka 13:13 - BAṈARA KO VAIRU AMA LEVELEVEO

¹³ kiadama maba poso inio ke melai kaikuapou, ako meta aṉa me luluelani mela sole. Melai vo o pizato ala ti obeta barolo ala koa taku ko paitopaito kale, vo inio o pakiovou.”

Maka 13:13 교차 참조

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 24:13

Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 24:9

“Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

Maka 13:12

So keru inio kaka poso ta ke luavimou seko visi poso aṉa ke tuvevo puelani tu ke titiziovou ni seko kana madu ta ke vouvaemou, ni se mama kamu melai ke luavimou seko meqora poso aṉa ke tuvevo puelani tu se melai ke vouvaemou, ni se meqora poso ta ke kanaekimou seko niania ni mama poso aṉa ke tuvevo puelani tu se melai ke vouvou,

Luke 21:17

ni kiadamu ta ke melai kaikuapou, ako meta aṉa me luluelani mela sole.

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Jone 17:14

Aṉata a qatime ṉoko bazu, Sokale avo inio se maba poso ta kemai kideipa se, ako seta pui komia ruqe ama peuru ma peuru ko madu sole, omadeuvo aṉa melai pui komia ruqe ama peuru ma peuru ko lala jari.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

Hiburu 10:39

Melai animeta pui so ko maba mela tu animeta me vaitou kutumana kale tu animeta me noqola tolailou heli kale. Melai animeta animeko oqu kale me bakiziani mela.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

1 Jone 3:13

A visi poso, meta pui me vuzeilou so keru komia peuru ma peuru ama maba poso ke melai kaikuapou keru.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.