Maka 12:1 - BAṈARA KO VAIRU AMA LEVELEVEO

¹ Ni vo Jisu ta mata o nianiiekimake se kama pado podepodeti kale ni eri kiolake, “Inevoana kala kiaruzo ko maba vo o papakani ko vaini voko kiaro kale, ni vota o qaramukake koa kiaro ko levoano, ni vota o erekake ka pado zae se keta ka zuzuekoa koi ko vaini ko epa ko ju, ni o lojoevake kala okate ala pade o lovelove kaqe. Koko tova inio voa maba ta oma zariekake koa kiaro kake maba poso, ni vota ota olake vaṉama peuru kale. Melai vota o kovou ka kena koa kiaro kale ama epa seko korotato ke erekema kale.

Maka 12:1 교차 참조

Matiu 13:3

Ni vo Jisu ta omai bazuekake se matu kubo quli podepodeti kale, ni eri kiolake, “Omadeu taku inio vo sisu o risarisaekani maba ta ota olake ni o risarisaekake ko vuiti ko sisu voko kiaro kale.

Matiu 21:28

Ni Jisu ta obeta olake bazubazuto ni eri kiolake sekasi, “Nonia kerukerueko ta mebe eva ko eri? Kala maba ta omuqa meqora sala, ni vota o olake vovo kaka kala meqora kasi ni eri kiolake, ‘Meqora, ṉota ṉo ziovou vairutu ni ṉoba iruruputou vaini kiaro kale,’ kiolake.

Matiu 21:33

Ni Jisu ta mata eri kiolake sekasi, “Meta didianomo tu aṉata mata a melai bazueko kama pado podepodeti. Inevoana kala kiaruzo ko maba vo o papakani ko vaini voko kiaro kale, ni vota o qaramukake koa kiaro ko levoano, ni vota o erekake ka pado zae vo o zuzuekoa koi ko vaini ko epa ko ju, ni o lojoevake kala okate ala pade o lovelove kaqe. Koko tova inio voa maba ta oka zariake zio vaṉama peuru kale nio vota oma zariekake koa kiaro kake maba poso, ni vota ota olake vaṉama peuru kale. Melai vota o kovou ka kena koa kiaro kale ama epa seko korotato ke erekema kale

Matiu 21:34

Nio vaini ko epa ko padoeko ko taku ko baroa keru, vota o soroemake kake voko nabulu poso tu kepa kovo voko kena koa papapapa ko.

Matiu 25:14

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Inevoana kala lekasa vo o inainaovani tu ota zio vaṉama peuru kale, ni vota o nokaemake voko nabulu poso ni o katimake voko takula ni lomaloma tu kekai iruruputo.

Maka 11:33

So sole seta eri kikelake Jisu kasi, “Eṉeta pui ṉeqai nianiia,” kikelake. Nio Jisu ta eri ma kiolake se, “Sole aṉa melai pui aba melai bazuekou me lalako pizato kale inio aṉata a ereka komi quli,” kiolake vo Jisu.

Maka 13:34

Ni koa vaito ta omadeuvo vo o lipilipitani maba jari, vo omai vaekeni voko nabulu poso seke ereko ama iruruputo ni o bazuevake veutu o kati vailani tu o vailou.

Maka 3:23

So sole vo Jisu ta o nokaemake sea maba poso tu ke kilo voko sipole, ni vota o nianiiekimake se podepodeti kale ni eri kiolake, “Noni kale inio vo Setani ta o ṉamumou voko vaki?

Maka 4:2

Ni vo Jisu ta omai nianiiekikake se matu kubo quli podepodeti kale, ni vota eri ma kiolake,

Luke 15:13

Ni puliako tu keu nio voa visi ala meqora ta okai tatabaraovake kiadama voko kena koa lomaloma ni seleni okai koake ti obe vaekake inio o peuru. Ni vota ota olake kala vaṉala matu peuru kale, ni sai nio vota o ruvurikake voko seleni ruqe ama iruruputo kale ni olaquavo ota evake.

Luke 19:12

So sole vota eri kiolake, “Omadeu taku kala pado raura kala maba ta obeta evake, vo o keveni kama pado matu vaṉama peuru kale lekasa puilole, ni sai kazo inio o vaitou o peuru kale kioveni.

Luke 22:9

Ni nioqata eri kiqolake, “Lai nio eqe qepa inainaekoa koi ko?” kiqolake vokasi.

Luke 8:10

ni vota o mati tiorikake, ni eri kiolake, “Baṉara ta kasa o mela ika me voko lekasa puo ko mutamuta kama nianiio, melai sea maba poso ta ke viqou podepodeti sama pesio kale ni seta ke toiritoirizatou melai pulia quli kepa kelou, ni seta ke viqou melai pui kepa patapataekou.”

Iruruputo 7:38

Vo inio vo vo o eveni Izireli ama qoqono sase seko padoilo kale lealea kama zaekale, vo inio sai o eveni animeko taite poso sase ni voa mateana sase vo o pesiovini Sainai sopu kale, ni vo inio o koeni vo Baṉara ko saevoma bazu ni vo o melai vikuekeni anime.