Maka 11:18 - BAṈARA KO VAIRU AMA LEVELEVEO

¹⁸ Ni se raura kama siama madu ni se vo Mosese ko Bazu kekai nianiiekatani keta va viqa keru vo, seta ke taniekake vailiko kama keve tu ke vouvaevo vo Jisu. Melai seta keta ma ṉake sea vaki, ako sea vaki ta keta va vuzeike sole voko nianiiekato.

Maka 11:18 교차 참조

Matiu 21:15

Nio se raura kama siama madu, ni se vo Mosese ko Bazu kekai nianiiekatani ta keta matu korakoraivake so keru seke kea keru koa aqasiele ama iruruputo vo Jisu o erekako, ni se meqora poso ko velavelao ke viqa keru koa Jelepade kale, eri kikelake, “Dusivomo vo Devita ko vikuvikula kale ala!” kikelake sole.

Matiu 7:28

Nio vo Jisu ta o paikake voko bazubazuto, ni sea vaki ta kekai vuzeike voko nianiiekimo se,

Maka 1:22

Nio seke didievani vo ta kekai vuzeike voko nianiiekimo se, ako vota pui se Mosese ko Bazu kekai nianiiekatani jari sole; melai voko nianiiekato ta vo Baṉara ko pizato sama.

Maka 11:32

Ni animeta mata eri kimevou, ‘Maba inio o kative koa pizato’ kimevou, ta meda ma balauvou se maba madu, ako seta ke tuvevo pueveni nio sole vo Jone ta kala poropita,” kikelake.

Maka 12:12

Ni se Jiu mu ko tanatanamu ta kekai zariake noqoevo vo Jisu, ako seta kekai nianiiake ta vota kuiripato saṉa omai ikake koa vaini kiaro ko podepodeti kale sole. Melai seta keta ma ṉake sea matuma vaki, sole seta ke vaevake vo ni keta olake.

Maka 3:6

Ni koa taku kale inio se Parese madu ta ke vaekake koa ilusato ko pade ni kemai zomanake kake se vo Herodi ko poqala kale amu, ni seta ke erekake kama korokorotato tu ke vouvaevo vo Jisu.

Maka 6:20

a ko vo Herodi ta ota va paṉaovake sole vo Jone, ako vota ovai nianiia ta Jone ta kala vo Baṉara vo tabu ala ni sidopu ala maba sole vota o vati vailake. Ni vota okai zariake didievo vo kiada keru, matu tiṉoliṉoli kobe ivake melai voko bazu.

Luke 19:47

Ni kiadama ṉaniu kale Jisu ta o nianiiekatake Jelepade kale. Nio se raura kama siama madu, ni Mosese ko Bazu kekai nianiiekatani ni se Jiu amu ko tanatanamu ta keva zariake vouvaevo vo,

Luke 2:47

Ni seke tava viqani vo ta matu aqasiele kekai evake voko uri ama kerukeru sama opato poso.

Luke 20:19

Nio koa taku keru inio se raura kama siama madu ni se Mosese ko Bazu kekai nianiiekatani ta keka zariake noqoevo vo Jisu, ako seta kekai nianiiake ta vota kuiripato saṉa omai ikake koa podepodeti sole, melai seta keta ma ṉake se maba poso.

Luke 4:22

Nio sea kiadamu ta keva matu zoleike vo ni aqasiele kekai evake koa matu ileile ama pesio poso vo o rukuekema. Nio seta eri kikelake seko vuzeilo kale, “Koe, nei ta pui vo Josepa vo meqora soikoni!” kikelake.

Jone 7:1

Ni koko tova inio Jisu ta o taliake Qalili rana, ni vota pui oka zariake talio Jiudia rana, ako se Jiu ama tanatanamu ta kebe tarevake vo sai tu ke vouvaevo sole.

Jone 7:19

Mosese ta o katimele me vo Baṉara ko Bazu, ma pui opa katimele? Melai puliala kala pado me azo ta o zorika koa Bazu. Sole noi sole inio meta meqa zaria vouvaelo aṉa?” kiolake.

Jone 7:46

Ni sea Jelepade ke kati vailani ta ke tiorizatake, “Puliala ta nea maba jaria bazubazutola!” kikelake.

Iruruputo 24:25

Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake.