Maka 10:32 - BAṈARA KO VAIRU AMA LEVELEVEO

³² Ni Jisu ni voko disaipeli madu ta kebeta taliake Jerusalema ko zuatikako keve tona. Ni Jisu ta ota ma kuletake se ni seta keta vuzeike, ni sea maba poso tova ke lulupatani ta keta ṉake. Ni Jisu ta mata o odiemake sea toni omuqa disaipeli ni o mati edoliake ni omai bazuekake ko quli koko ereilo ama quli vokasi.

Maka 10:32 교차 참조

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Maka 1:27

Nio sea kiadama maba poso ta keta vuzeike ni eri kikelake ke ṉavio kude, “Loma quli kio komi? Esa komi ta kama vairu ama nianiiekato ikio? Ako nea maba ta pizato sala ni o riqaeka ko ziolo poso, ni kota ko zoriva sole!” kikelake.

Maka 4:34

Ni kiadama quli ti o mati nianiiekikake podepodeti kale. Ni voko bazubazu ta podepodeti kale ko kiada. Melai so keru vo ni voko disaipeli madu ke kiadakoi ke eva keru inio vota o mati uria rupasika kiadama quli.

Luke 10:23

Nio vo Jisu ta o vabaliake voko disaipeli madu kasi ni eri kiolake sekasi moizavole, “Meta meqai qulepa kelo ko quli meme qeako quli vairutu!

Luke 19:28

Ni vo Jisu ko so kio ko tova vasi nio seta kebeta olake Jerusalema, ni vo Jisu ta seko kuleto vasi o taliani.

Luke 9:51

Ni koa taku Jisu ko vaito aukale ama ta sipole kota evake, nio vota parani putole o vatoekake tu o zio Jerusalema peuru kale, so sole vota o taniekake talio sai.

Jone 11:16

Sai nio Tomasi, vo “Modi” ṉi sala, ta eri kiolake vokale ama disaipeli madu kasi, “Uri tani, animea kiada mela ta me zio vo sase, tu animeta me vou vo sase!” kiolake.

Jone 11:8

Ni se disaipeli madu ta ke vati tiorikake vo, “Tanala, maba vairutu inio saizamu kebe ṉa zarilavo taiṉo ṉo lado kale, melai ṉota ṉo bitoeka vaito sai!” kikelake.