Maka 10:30 - BAṈARA KO VAIRU AMA LEVELEVEO

³⁰ ta vo Baṉara inio ova besiekou ko komia peuru ma peuru kale, ni vota o ṉeamukou omadeu paizana vole ko pade, ni voko tamania, ni voko niania, ni voko meqora poso, ni miduku. Melai naqunaquto ikio mata obe toraekou. Ni koko kilo ama taku kale voa maba ta o kovou ko noqola kama saevo.

Maka 10:30 교차 참조

Matiu 12:32

Vo o ruqe kaselo ala aṉa maba a eveni lala ta kota va akoilou koa sarueko. Melai vo o ruqe kasevo ala vo Tabu ala Auvana ta pui kopa tava akoilou koa sarueko komia miduku kale ni mata tova aukale.

Matiu 13:8

Melai kama sisu ta ko piake uri ama miduku kale, ni kota ko uria qotupake ni ko velokake ni kota uria epamatake, ni kama koko epa ko rurururu ta omadeu paizana sisu sama, ni kama ta varimuja toni ni kama ta zouke toni sama.”

Matiu 6:33

So sole meta atanaziekomo koa saevo vo Baṉara ko lekasa puo kale ama ni me erekou vo oka zariako quli, nio vota mata o katimelou kiadama quli meko saevo ko korotiko ama.

Luke 18:30

ta vo Baṉara inio ova besiekou ko ti vota o kovou matu kubo quli komia peuru ma peuru kale. Ni koko kilo ama taku kale inio voa maba ta o kovou ko noqola kama saevo,” kiolake.

Jone 10:23

Ni Jisu ta o amaqeake ni obeta lipilipitake Solomone ko pado sebesebe ka kikelako kale Jelepade kale.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 16:25

Nio ipu tiania vasi inio Paula ni Sailasi ta qo vararaitake ni qokai keraoke kama lotu kera Baṉara kasi, ni koa pirito pade kale amu ta keta ka didiekake ko.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

Pilipai 3:8

Ni pui koko kiada, melai aṉata vairutu melai so ka kiala ta koa kiadama quli ti utube ama, ako aṉata a qati podetika sole aṉako vai nianiio vo Jisu Karisito aṉavo Lekasa. Ako vo Karisito kale avo inio aṉata a vaeke sole aṉako lulama saevo ni ko quli ta utube ama ka kiala, tu aṉata a ṉeamuvo vo Karisito

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.

1 Timoti 6:6

Zio, vo Baṉara ko tava paṉao ta matu batiro ko iva voa maba, vo o paqumukani kai zoleilo kokale ozaoza obe elou melai batiro obe elou melai.

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

Jemisi 5:11

Animeta memai nokaekou zolezole amu sea maba poso ako seta pizaka lojo ke eveni sole. Meta lula me viqe vo Jobi ko inobea taruano ni meta meqai nianiia vo Baṉara o puarikema quli vokasi kiadama tapata poso ko tova, voko pizaka lojo elo kale. Ako vo Baṉara ta kovai sukatani ko baiseo ni tauvezato sama roquano sole.

1 Jone 2:25

Ako o ṉavi Karisito leveleveo o ikema tu o katimelo anime ta noqola kama saevo ikio sole.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

Kelokelozato 2:9

Aṉata aqai nianiia meko tapata poso; aṉata a melai nianiia ta meta ozaoza kamela, melai meko noqola kama batiro ta maba matuma! Aṉata aqai nianiia seko zarazaraemelo se ‘Eṉe inio ko Jiu amu ṉela’ kikelani, melai seta pui so, ako seta vo Setani ko qoqono kale amu inio sole.

Kelokelozato 3:18

Aṉata a uria bazuemela me tu meta tatabaraekomo ko qolo aṉa kasi azo, koa bulebule ama qolo, tu meta au kalea batiro emo. Ni so jari meta tatabaraekomo ko tapo suma tu kai kiazaekomo meko quraqurati ama lava pide elo. Ni so jari meta tatabaraekomo kama meresini tu kai raibikomo meko vilu, so inio meta me roveovou kelokelozato.