Maka 10:21 - BAṈARA KO VAIRU AMA LEVELEVEO

²¹ Ni Jisu ta o toiritoirivake voa maba ni o roquevake vo ni eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi, saita inio ṉo luluelou aṉa,” kiolake.

Maka 10:21 교차 참조

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 19:21

Nio Jisu ta o vati tiorikake, ni eri va kiolake, “Ṉota ṉoqai zaria matu uri ama maba ṉa elo, sole ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi. Saita inio ṉo luluelou aṉa,” kiolake.

Maka 10:22

Melai voa maba ta matu batiro ala sole vota matu duki ota evake so keru ota va viqa keru voko pesio. Nio o vaevake vo Jisu.

Maka 8:34

Ni Jisu ta o nokaemake sea vaki ni voko disaipeli madu o ṉavi kasi ni eri kiolake, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉa ko luluelo kale omadeuvo vo maba vo o borikani jari o ṉaviko korosi, vo okai vouvo ama.

Luke 10:42

melai omadeu quli ta kobe qulepa. Mere ta lula ko pitoekala koa uri ama quli, ni pui kopa taka rapeziovou kokasi azo kiala,” kiolake.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 16:9

Ni Jisu ta obeta olake pesio ni eri kiolake, “Aṉata a bazuemela me, tu kai lolopareomo komia peuru ma peuru kale ama batiro meko mai tauveko kale edolomu, ni so keru koko paitou keru, inio vo Baṉara ta o baroekimelou me voko noqola kama pade kale.

Luke 18:22

Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”

Luke 19:41

Ni vota o baroake Jerusalema matu peuru ko ketaketa, ni so keru vo o keve keru ko, vota oka ziake ko,

Luke 9:23

Ni vota mata eri kiolake sea kiadamu kasi, “Vo oka zariani luluelo aṉa ta vota pui o kerukeruilou o ṉavi o kiada, melai vota o tolailou kiadama ṉaniu aṉako luluelo kale omadeuvo vo maba vo o borikani voko korosi jari, vo okai vouvo ama.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Iruruputo 2:45

Seta kekai tatabaraovake mati seko miduku ni seko lomaloma ni seta kemai tauvekake koko seleni sea kiadamu seke toraekeni ko tapata seko poqala kale amu.

2 Koriniti 12:15

Ni aṉata aqai zoleilou tu ṉamuko kiadama aṉako lomaloma ni aṉako pado ama saevo meko tauvemelo kale. Noi nio? Ko meko roquelo aṉa ta saratata ko elou ako aṉata a matu roquemela me sole kio?

2 Timoti 3:12

Ako kiadamu seke madoekani tu ke uria luluevo vo Jisu Karisito seko sidopu ama kalo kale ta ke toraekou ko naqunaquto,

Hiburu 10:34

Meko tauvemo kale se, meta me lainike se piripiri amu ko tola ni so keru kiadama meko lomaloma keta mela rapeke melai meta me zolei, ako meta meqai nianiiake ta lula me qoa ko qulepo ama quli ko noqola ko elo ama aukale sole.

Jemisi 2:10

Ako vo o bikoirikani omadeu pado bazu ta o koa ko kuiripato omadeuvo koa kiadama o bikoirikani jari.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.

Kelokelozato 2:20

Melai ko aṉa pui ko zolelako quli mekasi ama ta eri nio: meta me zarieka koa rekoreko Jezebeli, ko kokai kuiziako ko ṉavi ta ko ikio vo Baṉara ko poropita kikolako. Koko nianiiekato kale kota ko saruema odiemo aṉako maba poso ni seta ke pauveka ko ruqe ama iruruputo poso ni ke kua ko sailao ko lula beku poso ke katikako.

Kelokelozato 2:4

Melai ko aṉa pui ko zolelako quli mekasi ama ta eri nio: meta pui me roquela aṉa erisaṉa omadeuvo kulekuleto me roquele aṉa jari.