Maka 1:41 - BAṈARA KO VAIRU AMA LEVELEVEO

⁴¹ Ni vo Jisu ta o matu roquevake vo, ni o rauqazake ni o tibaevake vo ni eri kiolake vokasi, “Aqa zaria, tu urike!” kiolake.

Maka 1:41 교차 참조

Matiu 9:36

Ni so keru o mea keru matu kubo maba madu inio vota o matu roquemake se, ako seta duki ni puliama tauvezato samu sole, omadeuvo ko sipi puliama koko vijaro ko maba sama jari.

Maka 1:40

Ni kala pokupoku ala maba ta o olake Jisu kasi, ni o iqeiqeake voko tanama kale ni eri kiolake vokasi, “Tanala, ṉota ṉoqa zariovou ta, ṉota ṉo roveovou urikilo aṉa!” kiolake.

Maka 1:42

Nio maba koa omadeuma taku kale inio voa maba ta ko vaevake koa pokupoku, ni ota urikake.

Maka 4:39

Nio vo Jisu ta o lojoake ni o kaqarikake ko ururu ni eri kiolake, “Epeze!” ni vota mata o kaqarikake ko boguzu ni eri kiolake, “Buleovi!” ni ko ururu ta kota epezake puzeto, ni ko boguzu ta kota buleake, ni koa varo ta matuma manilo kota evake.

Maka 5:41

Ni vota ota ka noqoekake koko ṉase ni eri kiolake, “Talita kumu,” koko kio ni kalo Jiu mu ko pesio kale ta “Ṉoiza, aṉata eri kiala, ṉota zolai!”

Maka 6:34

Nio so keru Jisu o saqora keru vaka topi azo, vota o meake sea matuma vaki, ni vota o matu roquemake se ako seta puliama vilua pikopiko samu jari sole, omadeuvo ko sipi puliama koko vijaro ko maba sama jari. Nio vota o mati nianiiekikake matu kubo bazubazu.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.