27 Ni Jisu ta o vaekake koa zae ni vota o veake kala maba takisi o koani Livai o ṉi sala, vo obeta papuani voko iruruputo ko pade kale, sai maba kovai olakoi seko takisi tabarikole. Ni Jisu ta eri kiolake vokasi, “Luluela aṉa!” kiolake.
Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.
Ni Aduru, Pilipi, ni Batolomiu, ni Matiu, Tomasi ni Jemisi vo Alepiasi vo meqora, Tadiasi ni Saimone vo oka zariovini rupasimo Izireli qoqono Romu ko vailo kale azo, tu ke ṉavi ke lojolou,
Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”
Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.
Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.
