Luke 12:17 - BAṈARA KO VAIRU AMA LEVELEVEO

¹⁷ So sole vota o kerukerutake ni eri kiolake, ‘Puliama kama pado zae tu aṉata a vaeko kiadama aṉako sailao. Sole noi nio a qalou?

Luke 12:17 교차 참조

Matiu 16:7

Ni seta ke pesipesitake ke ṉavio kude ni eri kikelake, “Animeta pui meba borikala ko bereti nio nei o mela riqaekani ko isiti,” kikelake.

Matiu 5:42

Ni kala olaquala ta oṉai pasekou kama lomaloma, ta uri tu kativa, ni kala ta ota ṉa zariovou ṉoko lomaloma tu okai iruruputou saita kiovou, ta uri tu va zarie.”

Luke 10:25

Ni kala maba Mosese ko Bazu okai nianiiekatani ta o kuevake ni o madoevake sipativo vo Jisu. So sole vota eri kiolake vo Jisu kasi, “Tanala, Nianiiekato ko maba ṉa! Loma quli a erekou nio aṉata a qovou ko noqola kama saevo?” kiolake.

Luke 11:41

Melai meta katimomo se ozaoza kamu meko peleta ni kapa kale ko evako quli, nio kiadama quli ta bulebule ko melai elou vo Baṉara ko vilu kasa.

Luke 12:16

Nio Jisu ta omai bazuekake komia podepodeti ni eri kiolake, “Kala batiro ala maba ta obeta evake vo matu masuru ama miduku sala.

Luke 12:18

Eri nio a qalo avo,’ kiolake, ‘Aṉata a biresukou aṉako pade poso aṉa sailao aqai vaekako, ni matuma a erekou. Sai nio aṉa a badoekoa koi ko vuiti ni kiadama aṉako lomaloma poso.

Luke 12:22

Nio Jisu ta eri kiolake voko disaipeli madu kasi, “So inio aṉata a bazuemela me tu meta pui tiṉoliṉoli kai elo ko quli meme quovo ama quli ko meko tupu ko saevikako, ma ko quli meme qiako ama quli.

Luke 12:29

“So sole meta pui duki elo, kiada keru meko saevo kale meta pui niuniala elo loma quli kio me quovo ama ni me nozueko ama kio ko kerukeru kale.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 16:3

Nio voa vailo ko maba ta eri kiolake voko kerukeru kale, ‘Aṉavo lekasa ta o epezilou aṉa aṉako iruruputo kale azo. Sole loma ikio aṉata a erekou? Aṉata pui a male tu a deliko ko totoqela ni ada quratou tu pasepaseto.

Luke 16:9

Ni Jisu ta obeta olake pesio ni eri kiolake, “Aṉata a bazuemela me, tu kai lolopareomo komia peuru ma peuru kale ama batiro meko mai tauveko kale edolomu, ni so keru koko paitou keru, inio vo Baṉara ta o baroekimelou me voko noqola kama pade kale.

Luke 18:22

Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”

Luke 19:17

Nio vovo lekasa ta eri kiolake, ‘Koe, matu uri ama koidi ṉo ereke, uri ala nabulu ṉa! Ṉota uria ereko ṉo eve ko silo ama quli, so sole aṉata lekasa a iṉou ṉo toni peuru kale.’

Luke 3:11

Nio vota o mati tiorikake se ni eri kiolake, “Voa maba omuqa pala topia sabosabo sala ta o kativo ka pala vo puliama sala, ni vo sailao sala ta okai puaro ko,” kiolake.

Iruruputo 16:30

Ni vota o kati saqorake nioqa kupekupe, ni eri kiolake nioqa kasi, “Lekasa kidi, loma quli a erekou ni aṉata a bakiovou?” kiolake.

Iruruputo 2:37

Ni so keru se maba madu ke viqa keru ko quli, kota kota ma jataekake seko bulo ni eri kikelake Pita ni sea kiadama apositolo madu kasi, “Baerebaere poso, sole eṉeta noi nio ṉe qalou?” kikelake.

Romu 12:13

Meta puarikomo meko kama ma kama se olaquamu vo Baṉara ko maba madu kale amu kasi, ni ma veukomo meko pade se pakepakeo maba madu.

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.