Luke 1:53 - BAṈARA KO VAIRU AMA LEVELEVEO

⁵³ Vota o maqikima seke luapani uri ama quli kale, ni o viuruema se batiro amu pulia quli sate.

Luke 1:53 교차 참조

Matiu 5:6

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Luke 1:54

Vota o ereka ko quli vo o kasekema voko leveleveo kale, ko animeko taite poso kasi o erekema, ni o kueva tu tauvevole vovo nabulu Izireli.

Luke 6:21

Meda zoleiva tisoiko me meqai luapani mela erisaṉa, ako meta me maqinou sole! Meda zoleiva tisoiko meme ziani mela erisaṉa, ako meta me niureovou sole!

Luke 6:24

“Melai ruqe ama quli kio ko melai barolou me erisaṉa batiro me evani mela, ako meta lula me qoa meko patukato sole, ti kota kota korota inio, puliama mata kama meba kovou!

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

1 Koriniti 1:26

Meta kerukeruekomo noni ama maba poso mela inio ko me, a qaka ni visi poso mela, so keru Baṉara o nokaemele keru me. Komia ruqe ama peuru ma peuru kale ama maba poso ko kerukeru kale ta pui kubo mela inio nianiio mela, ni pui kubo mela inio piza kamela ni pui kubo mela inio raura kamela.

1 Koriniti 4:8

Meta pui aikailo! Meta lula me qoa koa kiadama azaazama iruruputo ko pizato Tabu ala Auvana o puarikake kimelani mela. Meta vo Karisito lula o vaita jari me qavani mela ni meta lula me lekasa puani mela vo sate kimelani mela, ni eṉeta pui soa lekasa puilo ṉe evani ṉela. Uriavo, aṉata a mela zaria me tu meta tuvevo avole lekasa inio meda eve, ako so tea eṉe melai ṉeda zomano nio lekasa elo me sase!