Luke 1:32 - BAṈARA KO VAIRU AMA LEVELEVEO

³² Vota raura o elou ni vota vo Raura kala Baṉara vo Meqora kovai nokailou. Vo Baṉara ta aikovakova o ivou vo omadeuvo vovo taite Devita jari,

Luke 1:32 교차 참조

Matiu 1:1

Komi kio vo Jisu Karisito ko taite poso ko ṉi poso, vo Devita ni Ebarahami ko toutou kale ala.

Matiu 12:42

Nio so keru vo Baṉara o titizimou keru kiadama maba poso ta ko reko lekasa Sibama ta ko lojou ni kuiripato saṉa ko imelou komia taku kale ama koilokoilo mela, ako kota ko kue koko matu vaṉama peuru kale azo tu didiekole vo Solomone Lekasa ko nianiiekato matuma nianiio sama, melai aṉata a bazuemela me, inevoana kala koi vo matu raura kala vo Solomone kasi azo, melai meta pui me didieka voko nianiiekato.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Matiu 3:11

“Aṉata bapitaiso a imela mea maba poso mela jukale tu ko mamola pueko meko lilizio, melai vo mainio opa kilo ala aṉako tova inio bapitaiso o imelou me Tabu ala Auvana ni uza kale, ni vota matu raura kala aṉa kasi azo, ni aṉata pui a male tu vovo mabaku va elo tu ava boriko voko kiti ko kiazakiaza.

Maka 14:61

Melai Jisu ta moiza, ni pulia quli o kasekake. Nio koko tova inio mata vo Ṉisa Siama ta o kuimaevake vo Jisu ni eri kiolake, “Tuvevo ṉo inio voa Pakio ṉa, ni vo Raura kala Baṉara vo Meqora ṉa?” kiolake.

Maka 5:7

Nio vo Jisu ta o bazuekake koa ziolo tu ko saqoro voa maba kale azo. Nio koa ziolo ta kota karakararautake matuma kora kale ni eri kikolake, “Jisu, vo matu raura kala Baṉara vo Meqora ṉa! Noni ṉo ilo kinola inio aṉa? Vo Baṉara ko ṉikale, aṉata a baseṉa ṉo tu pui ṉo qoqotaelo aṉa,” kikolake.

Luke 1:15

Vota raura kala maba o elou vo Baṉara ko vilu kasa, ni vota maba pui opa nozuekou ko vaini ko ju ni piza kama ju, melai Tabu ala Auvana ta ovai sukatou vo puliako vo alilo.

Luke 1:35

Nio vo mateana ta o kati tiorikake ko ni eri kiolake kokasi, “Vo Tabu ala Auvana ta o kilou ṉo tona, ni vo Baṉara ko pizato ta ko bouluṉou ṉo. Komia kalo kale inio voa tabu ala salua ta vo Baṉara vo Meqora kovai nokailou.

Luke 1:76

“Ni ṉo aṉavo meqora ṉa, ta vo Matu Raura kala Baṉara vo poropita keṉai nokaekou. Ṉota ṉo elou puliako vo Baṉara ko pakiezato elo ni ṉota ṉova inainaekou voko keve,

Luke 3:16

So sole Jone ta eri kiolake sea kiadamu kasi, “Aṉata bapitaiso a imela me jukale tu ko mamola pueko meko lilizio meko sarueko kale azo, melai kala aṉa azo raura kala ta obeta kueva. Aṉata pui a male tu vovo mabaku va elo tu ava rupasiko voko buti ko raitoraito. Vo inio bapitaiso o imelou me Tabu ala Auvana ni uza kale.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Jone 12:34

Nio sea vaki ta ke vati tiorikake ni eri kikelake, “Eṉeta ṉe viqa eṉeko Bazu kale ta vo Baṉara o soroevani Pakio ta noqola elo ota elou kio. Ta loma ko kio kale inio ṉota vo maba o eveni ta ke zolaevou miduku kale azo kiṉola? Lala inio voa maba o eveni va kiṉolani?” kikelake.

Jone 6:69

Eṉeta ṉe duvevo pueṉa ni ṉeṉai nianiia ta ṉo inio vo Tabu ala ṉa ṉo quevini ṉa Baṉara kasi azo,” kiolake.

Iruruputo 16:17

Ni kota ko lulueṉelake Paula ni eṉe upaupatole ni eri kikolake, “Nia maba poso inio vo Matu Raura kala Baṉara ko nabulu madu! Ni se inio ke mela kasekani me pakio ko keve!” kikolake.

Iruruputo 2:30

Melai vota kala poropita ni vota okai nianiiovi vo Baṉara o vati korotikema quli: Baṉara ta o erekake ko matu piza kama leveleveo tu vota aikovakova o ivou kala pado maba Devita ko vikuvikula kale ala Devita o evevoa lekasa puo jari.

Iruruputo 2:36

“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.

Iruruputo 7:48

Melai vo matu Raura kala Baṉara ta pui se maba madu ke erekema pade poso kale inio o evani. Vo poropita Aisea kiovevo jari,

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Kelokelozato 3:7

“Ṉota eria rikito eve sai Piladelepia peuru kale ama lotu qoqono ko mateana kasi: Eri nio koa bazu koko kuevako vo Tabu ala ni Tuvevo ala kasi azo. Vo inio vo Devita ko vidulu o ṉeamukani nio so keru vo o veuka keru ko tibulu inio puliala ta o rovea tibuliko ko, ni so keru vo o tibulika keru ko inio puliala ta o rovea veuko.