Kolosi 4:3 - BAṈARA KO VAIRU AMA LEVELEVEO

³ Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.

Kolosi 4:3 교차 참조

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

1 Koriniti 16:9

ako aṉata a qea matu uri ama rora koi tu a iruruputo, ni koi melai kubo kana poso kebeta eva sole.

1 Koriniti 4:1

So sole meta kerukerueṉelomo eṉe apositolo madu ṉela ta vo Karisito nabulu ṉela pala, voko tauvezato ṉela vo o ṉelai keruani ṉela tu ṉeqai bazubazuto ko omele ama tuveano Baṉara ko.

2 Koriniti 2:12

So keru aṉa a baroa keru sai Toroasi peuru kale tu aṉata aqai bazubazuto vo Karisito ko Uri ama Bazu, aṉata a qeake ta vo Lekasa ta ola erekake uri ama rora iruruputo ko sai.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 3:3

Ni vo Baṉara inio kasa ola ikake voko mutamuta kama vatolo ni o lati nianiiekikake. So inio aṉata silo pala ada ka rikieka koko pesipesi

Epesasi 3:4

ni so keru meme ataekou keru ko quli aṉa a rikiekako nio meta me qelou aṉako paqumuko vo Baṉara ko vatolo mutamuta kama ko evema, ko vo Karisito kale kasa ko evema.

Epesasi 3:9

Ni vo Baṉara inio o katile aṉa komia iruruputo tu aṉata amai bazuekou kiadama maba madu vo Baṉara ko vatolo ko kavani. Koa mutamuta kama vatolo ta o mutake vo Baṉara koko tanitanila keru azo, vo o erekeni au ni miduku.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Pilipai 1:19

ako aṉata aqai nianiia sole meko lati vararaito aṉa tu vo Jisu Karisito vo Auvana ta o tauvelou aṉa tu aṉata a rupasiovou aṉako pirizio kale azo.

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

Kolosi 1:26

Koa bazu ta mutamuta kama ko eve; Baṉara ta ota ma mutake sea kiadamu lulavo ke eveni kasi, melai erisaṉa vota uria kasa o ika voko maba madu kasi.

Kolosi 4:18

A ṉaviko ṉase kale aṉa Paula lala inio a rikieka aṉako roquano mekasi. Meta kerukeruelomo aṉata pirito pade kale abeta eva. Vo Baṉara ko roquano ta ko elou me tona. A baika.

1 Tesalonaika 5:25

Eṉeko visi poso ni kaka poso mela, meta ṉelati vararaitomo eṉe.

2 Timoti 1:16

Aṉako vararaito ta vo Lekasa ta o baisemou sea kiadamu vo Onesiporasi ko mabamu seke evani voko pade kale ako vota o zolelani aṉa kubo taku sole. Vota pui opa taka qurate ko aṉata kala pirito pade kalea lala kio,

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

Pilimone 1:22

Ni mata kama pado quli, ṉota la inainaeva aṉa kala pado lose, ako aṉata aqai kerua ta vo Baṉara ta o opatikou kiadama meko vararaito tu aṉata a vaito mekasi.