Kolosi 4:18 - BAṈARA KO VAIRU AMA LEVELEVEO

¹⁸ A ṉaviko ṉase kale aṉa Paula lala inio a rikieka aṉako roquano mekasi. Meta kerukeruelomo aṉata pirito pade kale abeta eva. Vo Baṉara ko roquano ta ko elou me tona. A baika.

Kolosi 4:18 교차 참조

Romu 16:20

Ni vo Baṉara animeko bule ko raki ta taukavole o mujarivou vo Setani meko kiti vima. Vo animevo Lekasa Jisu Karisito ko roquano ta ko elou me tona.

Romu 16:22

Aṉa Tetiasi vo Paula ko rikito maba a evani lala, ta a melai soroeka aṉako roquano vo Karisito kale.

Romu 16:23

Vo Qaiasi, vo aṉa o ranelani voko pade kasi, sai lotu qoqono ko padoivakoi, ta o melai soroeka voko roquano. Ni Erasitasi, vo o kati vailani ko takula komia peuru kale, ni animeko tamania kale ala Kuatasi melai qo soroeka nioqako roquano.

1 Koriniti 16:21

Aṉa Paula lala a ṉaviko rikito kale a ṉase kale inio a joroeka aṉako roquano.

2 Koriniti 13:14

Vo Lekasa Jisu Karisito ko pakiezato sama roquano, ni Baṉara ko roquano, ni vo Tabu ala Auvana ko bairumuo ta ko elou me tona.

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

Kolosi 4:3

Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.

2 Tesalonaika 3:17

Komia supi ta a ṉaviko ṉase kale a rikieka ko eri: Roquano mekasi aṉa Paula lala kasi azo. Eria mamola pueko inio a ikani kiadama riki poso; ni eria rikieko inio a evani.

1 Timoti 6:21

Ako sea poqala koa “Nianiio” samu kikelani ta kota lula komai niumata, ni kokale avo ta seta lula keta epeiva seko oqu kale azo. Aṉata a vararaita tu vo Baṉara ko roquano ta ko elou mea kiada mela tona. A baika.

2 Timoti 1:8

So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

2 Timoti 4:22

Aṉata a vararaita tu animevo Lekasa ko mauruto ta ko elou ṉoko auvana kale. Ni aṉata a vararaita tu vo Baṉara ko roquano ta ko elou mea kiada mela tona. A baika.

Taitasi 3:15

Se aṉa kasi ke evani lotu maba poso ta ke soroeka seko roquano ṉokasi. Katima eṉeko roquano eṉeko baerebaere poso se kevai oquani vo Karisito. Aṉata a vararaita tu vo Baṉara ko pakiezato sama roquano ta ko elou mea kiada mela tona. A baika.

Hiburu 13:25

Vo Baṉara ko mauruto sama roquano ta ko elou mea kiada mela tona.

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.