Kolosi 4:12 - BAṈARA KO VAIRU AMA LEVELEVEO

¹² Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

Kolosi 4:12 교차 참조

Matiu 5:48

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

Luke 1:1

Ṉova Tiopilasi: Kubo madu ta lula ke madoe rikieko kiadama quli ko lula ko ereivako eṉe kasi ko bazu.

Luke 22:44

Ni vo Jisu ta matu upotuqu ota evake sole o matu vararaitake ni voko kuvakuva ta dara jaria rereo ko evake miduku topi.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Romu 15:14

A visi poso mela: aṉata a uria paqumuka ta meta sidopua mela ni vo Baṉara ko nianiiekato me baqumukani mela, ni meta me roveani mela tu nianiiekikinio me ṉavio kude.

Romu 15:30

Aṉata a matu pasemela me a visi poso mela, vo animevo Lekasa Jisu Karisito kale ni vo Tabu ala Auvana o puarikake roquano kale, tu meta matu tauvelomo aṉa ni lati zomanomo vararaito vo Baṉara kasi.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 2:6

Melai aṉata a qaseka ko raura kama nianiio ko bazu se piza kama oqu samu kasi, melai kota pui komia peuru ma peuru ni koko lekasa poso ka kikelako nianiio, seke noqola tolailo amu.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Qelesia 1:10

Noni, aṉa so kio kale ta meta me qerukeruta ta aṉata aqa zaria tu zolemo se maba poso kimela? Maba pui! Ako aṉata Baṉara inio ava zaria zolevo sole. Ni aṉata aqa zaria tu zolemo se maba madu pala tea aṉata pui vo Karisito vo nabulu lala inio.

Qelesia 4:19

Meta aṉako meqora poso jaria mela. Ako aṉata a melai matu tolaiva me omadeuvo ko niania ta ko tolaiva jari, so keru koko vijara keru. Ni aṉata soa tolailo abeta elou, ti kobeta barolou meko Karisito jari elo.

Kolosi 1:22

melai erisaṉa vovo Meqora ko tupu kale ama voukale Baṉara ta lula o daipaemela o ṉavi tona. Vota soa daipaemelo o eva, tu vota tabu o imelo me ni bulebule ni sarueko pide o imelo tu o amaqimelo voko tanama kale.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

Kolosi 1:7

Kota lula meqai nianiiovi vo Epaparasi kasi azo. Vota kala pado eqe kale ala qe matu roquevani nabulu, ni vota ova uria nabuluputani vo Karisito eqeko iruruputo ko tauveko kale.

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

Kolosi 4:9

Aṉata a joroeva vo Onesimasi vo sase, vo eqe qe roquevani kerula kala eqeko tamania kale ala. Vota kala pado mekale ala. Nioqa inio qo melai bazuekou me kiadama quli koko ereivako koi.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

Pilimone 1:23

Vo Epaparasi, vo aṉa sase obeta evani pirito pade kale voko Jisu Karisito va nabuluputo kale, ta o soroeka voko roquano ṉokasi,

Hiburu 5:14

Seke kuani ko zokele ama sailao ta se muqaroma maba madu nianiio kale inio, seke roveani pitasiko ko uri ni ruqe seko iruruputo kale.

Hiburu 5:7

So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

Jemisi 1:4

Meta pizaka lojo emo kiadama taku keru, tu meta sidopu ni muqaro me elou, ni pulia quli ta meba ka lilililitou.

Jemisi 5:16

So sole meta kai eraeraekiniomo meko sarueko poso me ṉavio kude, ni tauvekiniomo vararaito kale me ṉavio kude, so inio me urikou. Ako vo sidopu ala maba ko vararaito ta ko ereka piza kama quli sole.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;