Kolosi 3:22 - BAṈARA KO VAIRU AMA LEVELEVEO

²² Ni me mabaku poso mela, meta zorimomo meko miduku kale ama lekasa poso kiadama quli kale, erekomo ko, pui so keru seke melati vaila keru me pala, omadeuvo sea maba poso se kekai zariani tu seko lekasa poso ta ke melo jari, tu seta ke rauraemo. Melai meta erekomo koa koidi meko pado ama bulo sate kiada keru, ako meta me rauraeva mevo Lekasa Jisu sole.

Kolosi 3:22 교차 참조

Matiu 6:22

“Ṉoko vilu ta ṉoko tupu ko zakaremu. Ni ṉoko vilu ta uri ama ko elou ta ṉoko pado ama tupu ta matu zakaremu, melai ṉoko vilu ta ruqe ko elou ta ṉoko tupu ta matu kutumana ikio. So sole ṉoko tupu tonama zakaremu ta kutumana ko elou ta matu kutumana kota elou.”

Matiu 8:9

Ako aṉa inio se raura kamu ko zara lala sole, ni sea solodia madu ta aṉako zara kamu. Nio aṉata a bazueva kala, ‘Ola!’ va kiala, ni vota o ola. Mata aṉata a bazueva kala, ‘Kua!’ va kiala, ni vota o kueva. Ni aṉata a bazueva aṉavo nabulu, ‘Ereka komi!’ va kiala, ni vota o ereka ko. Sole ṉoko pesio melai soa pizato kota elou,” kiolake.

Luke 6:46

Ni vo Jisu ta obeta olake bazubazuto ni eri kiolake, “Noi sole inio meta ‘Lekasa,’ la kimela kiada keru, melai meta pui me ereka aṉa a melai bazuekako quli me?

Luke 7:8

Ako aṉa inio se raura kamu ko zara lala sole, ni sea solodia madu ta aṉako zara kamu. Nio aṉata a bazueva kala, ‘Ola!’ va kiala, ni vota o ola. Mata aṉata a bazueva kala, ‘Kua!’ va kiala, ni vota o kueva. Ni aṉata a bazueva aṉavo nabulu, ‘Ereka komi!’ va kiala, ni vota o ereka ko. Sole ṉoko pesio melai soa pizato kota elou,” kiolake.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 1:10

Noni, aṉa so kio kale ta meta me qerukeruta ta aṉata aqa zaria tu zolemo se maba poso kimela? Maba pui! Ako aṉata Baṉara inio ava zaria zolevo sole. Ni aṉata aqa zaria tu zolemo se maba madu pala tea aṉata pui vo Karisito vo nabulu lala inio.

Kolosi 3:20

Ni me meqora poso mela, meta zorimomo meko mama ni niania poso kiada keru, ako ko ikio vo Baṉara ko zolevako quli sole.

1 Tesalonaika 2:4

Soama quli taka lapaso kale eṉeta ṉeqai pesia kiada keru vo Baṉara eṉe o ṉelai zariani jari, ako vota lula o uria madoeṉela ti o ṉelai kerua tu eṉeta ṉeqai bazubazuto koa Uri ama Bazu. Ni kokale eṉeta pui ṉeqa zaria zolemo se maba poso, melai vo Baṉara inio ṉeva zaria zolevo, vo o madoekani eṉeko kerukeru.

Pilimone 1:16

Ako erisaṉa ta vota pui kala mabaku ala pala inio sole, melai ikoana vokasi ko kokai qulepako voko mabaku elo: vota anime Karisito ko tamania mela kale ala. Vota matu qulepo ala aṉa kasi, ni maba matu ti matu qulepo ala ṉokasi, voko mabaku elo kale melai, voko Lekasa ko tamania kale elo kale melai.