Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.
Nio vo Jisu ta obeta olake bazubazuto ni eri kiolake sekasi, “Meta pui padoeko meko batiro miduku kale, ako sai nio kota moatakou ni ko narakou, ni sai ta se kuilokuilo amu ta ke puraekou ko pade, ni ke kuilikou ko batiro sole.
Ni vota eri kiolake sea kiadamu kasi, “Kati vailomo tu pui viluloqu elo, ako vo maba ko tuvevo ama saevo ta pui kubo kama ma kama vo o ṉeamukako kale inio ko eva sole.”
So sole meta pui kerula me elou meko kai iruruputo kale komia peuru ma peuru ama batiro, ta meta mata pui kerula meba elou meko kai iruruputo kale ko tuvevo ama batiro.
Ako kota matu tapata aṉa kasi tu a bitoeko sole koa omuqa quli. Aṉako zario ta a zio ni Karisito sase a elou, ako ko ikio ko matu qulepo ama quli sole.
Meta lula me jaeva Karisito sase voko voukale azo ama mata saevo kale, so sole meta viluloqu kai emo ko aukale ama quli, sai vo Karisito o papuakoi voko lekasa puo ko papupapu topi Baṉara ko palo rana vasia rana.
Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.
