Kolosi 3:16 - BAṈARA KO VAIRU AMA LEVELEVEO

¹⁶ Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Kolosi 3:16 교차 참조

Matiu 26:30

Ni seta kekai keraoke ka pado ilusato ko kera, ni keta olake Olive Ore sama Sopu kale.

Luke 2:51

So sole Jisu ta ota vaitake Nazareti nioqa sate, sai vo o zorikekoi nioqa. Ni voko niania ta ko tukiekake kiadama quli koko bulo kale.

Jone 15:7

Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Romu 10:17

So sole maba poso ko oqu ta ko tanita ko Uri ama Bazu ko viqo kale, ni ko Uri ama Bazu ta ko kueva vo Karisito vai bazuto kale.

Romu 15:14

A visi poso mela: aṉata a uria paqumuka ta meta sidopua mela ni vo Baṉara ko nianiiekato me baqumukani mela, ni meta me roveani mela tu nianiiekikinio me ṉavio kude.

1 Koriniti 14:15

So sole noi nio a qalou? Aṉata a vararaitou Tabu ala Auvana ko pesio kale, ni aṉata mata a vararaitou a ṉaviko pesio kale; aṉata a qeraovou Tabu ala Auvana ko pesio kale, ni aṉata mata a qeraovou a ṉaviko pesio kale.

1 Koriniti 14:26

So sole eri nio, a qaka ni visi poso mela. So keru meme doraekinia keru ilusato keru kala pado maba ta okai keraova ilusato ko kera, kala ta o nianiiekata, kala ta okai bazuta ko quli vo Baṉara kasa ova ikako, kala ta okai bazuta ko pui ko paqumuako pesio kale ama bazu, kala ta o pepelika koa bazu kikolani. Meta erekomo kiadama komi quli lotu qoqono ko tauvemo ama keve kale.

Epesasi 1:17

Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

Epesasi 5:17

So sole meta pui me jarube puekou meko saevo. Melai kai nianiimo loma quli kio vo Baṉara okai zariako tu meta me erekou.

Epesasi 5:19

Ni me ṉavio kude meta kai pesimo ko Tabu ama Riki kale ama kera, ni kai keraomo ko lotu kera tu ilusivomo animevo Lekasa meko bulo kale.

Epesasi 5:26

tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

Kolosi 4:6

Meko pesio poso ta bule ama ni korokoroti ama ko elo, ni meta paqumukomo katimo se maba madu meko korotoma opato.

1 Tesalonaika 1:8

Ako vo Lekasa ko bazu ta ko tanite mekasi ni kota ko aere koa pado ama Masedonia ni Akaia rana ko evako peuru poso kale, ni pui sai ko kiada, melai meko vo Baṉara vai oqu ko bazu ta kokai zaroa kiadama zae poso kale. So sole pulia quli mata ikoana tu eṉeta ṉe qaseko ko meko oqu ko bazu.

1 Tesalonaika 4:18

So sole meta patukikiniomo me ṉavio kude komia bazu kale.

2 Tesalonaika 3:15

Meta pui kala kana jari me ivou vo, melai meta kala visi jaria balauvivo emo.

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

2 Timoti 3:15

ni so keru ṉo siloa laṉa keru azo ṉota lula ṉoqai nianiiovi ko Tabu ama Riki poso, koko roveako kasa ṉa iko koa keve, koko pakieṉo ama ṉo Jisu Karisito vai oqu kale.

Taitasi 3:6

Vo Baṉara ta utu puarivo o eve voa Tabu ala Auvana anime kasi vo Jisu Karisito animevo Pakio kale kude,

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Jemisi 5:13

Esa kala me azo ta obeta eva tapata kale, vota o vararaitou. Esa kala ta zolezole ala, vota okai keraovou ko ilusato ko kera poso.

1 Jone 2:14

Ni aṉata a mela rikita meqora poso mela, ako me inio mevai nianiiani mela sole animevo Mama. Ni aṉata a mela rikita mama ni niania kamela, ako me inio mevai nianiiovini mela sole vo o eveni koko tanitanila kale. Ni so jari aṉata a mela rikita me vairu ama maba poso mela ako meta piza kamela sole, ni vo Baṉara ko bazu ta me tona, ni koqo me iveni mela sole vo Setani.

1 Jone 2:24

So sole meta tukiekomo koa bazu meko bulo kale ko meme viqema koko tanitanila kale. Ni meta me dukiekou koa bazu, ta meta vo Meqora ni Mama satea mela inio kiada keru.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

2 Jone 1:2

Ni eṉeta ṉe roquemela me koa tuvevo ama bazu ko kio kale, ako koa tuvevo ama bazu ta ko eva sole anime tona erisaṉa ni kobeta elou kiada keru.

Kelokelozato 14:3

Nio sea 144,000 maba madu ta ke lojoake ni koa Baṉara ko papupapu kasi vasia loilo ke evake, ni koa ariku biaṉa poso, ni se lekasa poso. Ni seta kevai keraovake kala pado vairu ala kera. Seke kiada ke roveani vai nianiio voa kera, se lula ke pakiziani se peuru ma peuru kale ama maba poso kasi azo.

Kelokelozato 15:3

Ni seta kevai keraoke Mosese vo kera, Baṉara vo nabulu, ni voa Sipi Meqora vo kera, eri kiolani: “Raura kala ni Kiadama Pizato sala Baṉara ṉa, kiadama ṉoko iruruputo ta matu aqasiele ama! Kiadama toutou ni qoqono poso vo Aikovakova ṉa, kiadama ṉoko kalo ta sidopu ni tuvevo ama!

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.