Kolosi 3:15 - BAṈARA KO VAIRU AMA LEVELEVEO

¹⁵ Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

Kolosi 3:15 교차 참조

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Romu 1:21

Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

1 Koriniti 10:17

Ako koa bereti ta omadeu pado lezu ama, so jari nio animeta kubo mela melai animeta omadeu qoqono mela, ako animeta mevai palaita voa omadeu lezu bereti sole.

1 Koriniti 7:15

Melai kala ma kama pui qo tuvevo putani nioqa ta qo ziovou voa lasive ma koa reko kasi azo vaeka tu so qo kalo. So ko kalou ta vaeka tu qo lulueko koa keve voa lasive ma reko lotu kalea nioqa. Ako Baṉara ta lula o odiemela anime tu animeta bule kale me elo sole.

2 Koriniti 4:15

Ako koa kiadama eṉeko tapata poso ta meko tauvemelo kaqe sole. So inio vo Baṉara ta kobeta ziovou pakiemo matu kubo madu voko pakiezato sama roquano kale ni vota o odiemou sea kiadamu tu seta ṉaṉaidara ke ivou vo Baṉara seko kativo kale seko uriavo seko vararaito kale.

2 Koriniti 9:11

Vota masuru o imelou me kiada keru tu meta puaropuaro me elou kiadama taku, tu kubo madu ta ke kasekou seko uriavo meko katizato poso kale ko seke kovo ama eṉe ṉe qatimou keru se.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Epesasi 4:4

Ako animeta omadeu tupu mela ni omadeu pado Auvana inio o eva anime tona sole. Ni vo Baṉara ta o nokaemela anime tu animeta me qovou omadeu pado reketekete animeko tuvevo puto sama kerukeru kale.

Epesasi 5:1

Ako meta vo Baṉara ko meqora poso mela vo o roquemelani mela, so sole meta madoekomo tu Baṉara jari emo.

Epesasi 5:20

Ni vo Lekasa Jisu Karisito ko ṉikale meta kativomo meko uriavo kiadama quli kale avo vo Baṉara animevo Mama.

Kolosi 1:12

Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

Kolosi 2:7

Meta rakimatomo ni vinaekomo meko saevo vo tona, ni pizatomo meko oqu kale, ko lula me viqema nianiiekato jari. Ni meta kativomo vo Baṉara meko uriavo kiadama quli kale.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

1 Tesalonaika 5:18

ni meta kasekomo meko uriavo vo Baṉara kasi kiada keru me mebeta saeva keru, olu ama saevo ko taku keru melai, tapata kama saevo ko taku keru melai. Ako so inio vo Baṉara ota melai zariani me tu meta me elou meko saevo kale omadeu saevo meqai evako vo Jisu Karisito sase.

1 Timoti 2:1

Komi ta aṉako matu kuleto ama bazu mekasi, ko eri, meta erekomo ko tauvezato ko vararaito, paseto, ni uriavo ko vararaito Baṉara kasi tu me mati vararaitou sea kiadama maba poso;

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

Hiburu 13:15

So sole vo Jisu ko pizato kale animeta pui me lalamatou ilusivo vo Baṉara, ako ko ikio animeko siqasiqa sole. Animeta mevai bazubazutou animeko kora kale edolomu kasi ta vo inio animevo Lekasa.

Kelokelozato 7:12

nio eri kikelake, “Emeni! Mevai rauraeko animevo Baṉara voko ṉaṉaidara, ni raura kama nianiio, ni aikato, ni pizato, ni naizato. Me qativou animeko uriavo latau ṉaniu ni ka ṉaniu! Emeni!”