Kolosi 3:11 - BAṈARA KO VAIRU AMA LEVELEVEO

¹¹ So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

Kolosi 3:11 교차 참조

Jone 14:23

Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi.

Jone 15:5

“Aṉata koa vaini siakona jaria lala ni meta koko kata poso jaria mela. Vo me azo o nasoilo ala aṉa tona, aṉata a elou vo tona, ni vota koa kata matu epamatoma jari o elou, ako meta pui me rovea ereko kama quli aṉa pide sole.

Jone 17:23

Koa omadeu elo ta eri, aṉata se tona ni ṉota aṉa tona, tu seta tuvevoa omadeu ke elo aniṉo tona, Sokale inio se peuru ma peuru kale ama maba poso ta kekai nianiiovou ko ṉo inio ṉo joroeleni ṉa aṉa kio, ni ṉo roquemani ṉa seke tuvevo puelani aṉa aṉa ṉo ilani jaria roquelo kio.

Iruruputo 15:17

Ni sea kiadama maba poso ta ke kilou aṉa kasi ni kiadamu se pui Jiu amu se aṉa a nokaemeni ta a ṉaviko madu ke elou.

Iruruputo 28:2

Ni koa udu kale ama maba poso ta ke ṉelati matu uria baerebaereake eṉe. Ni nioro ta kota tanitake pialo ni sanusanu kota evake, so sole seta ke bainaekake ko uza ni ke baroekiṉelake eṉea kiada ṉela.

Iruruputo 28:4

Nio koa udu kale ke evani maba poso ke kea keru koa dole kobeta soilako vo Paula ko ṉase topi nio eri kikelake ke ṉavio kude, “Koe, nea maba ta kala vouvato ko maba inio, vota pui opa voula ivere kale, melai sidopu ko baṉara poso ta pui kova zaria tu vota o saevou,” kikelake.

Romu 1:14

Aṉata aqa zaria soipimelo me, ako aṉata kama pado sake salala kiadama maba poso kasi komia pado ama peuru ma peuru kale amu.

Romu 10:12

Komi ta ko tuboemela kasemelo animea kiada mela, ako anime Jiu amu mela ni anime pui Jiu amu mela ta puliama koko edolovo sole; Baṉara inio animea kiada mela vo Lekasa vo mauru o imelani animea kiada mela ni o nokaemelani vokasi.

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

Romu 3:29

Ma vo Baṉara ta se Jiu amu ke kiada vo Baṉara ni pui se pui Jiu amu vo Baṉara inio, kio? Pui, se pui Jiu amu melai sevo Baṉara.

1 Koriniti 12:13

So sole so keru anime bapitaiso me eva keru inio voa omadeula Auvana ta omadeu pado qoqono o imele animea kiada mela; Jiua mela melai, pui Jiua mela melai, mabaku mela melai, pui mabakua mela melai. So inio animeta omadeuvo voko tupu jaria mela, ako voa omadeu pado Auvana inio o puariziovini animea kiada mela kasi sole, tu animeta me bizato vokale.

1 Koriniti 14:11

Melai aṉata pui a baqumukou koa pesio ko kalo tea, voa maba vo okai pesiani koa pesio ta kala pakepakeo maba aṉa kasi ni aṉa melai kala pakepakeo maba lala vokasi.

1 Koriniti 7:19

Ako ko moveilo ni pui moveilo ta puliama koko kalo sama, melai qulepo ama quli ta ereko vo Baṉara o melati soruekako quli.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.

Epesasi 2:14

Ako vo Karisito kale kude inio animeta meda odouvikinia erisaṉa, ako vo inio omadeu o imela sole Jiu amu mela ni pui Jiu amu mela. Ako animeta me bitasiovi omadeuvo ko matuma otu jari animeko tiania, melai vo Karisito inio o niaqarike koa kanaekinio ko otu o ṉaviko tupu kale ama voukale.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

Epesasi 3:17

Ni aṉata a vararaita vo Karisito tu meta mevai oquvou tu vota o elou meko bulo kale, ni aṉata a melati vararaita me tu meko saevo ta ko pizatou roquano kale ni me rapukou roquano kale.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Epesasi 6:8

Ni kerukeruekomo ta so me qalou nio tuvevo avole vo Baṉara ta o katimelou ko reketekete mea kiada mela, mabaku poso mela ni me pui mabaku poso mela, meko uri ama iruruputo ko ereko kale avo.

Kolosi 2:10

Kokale inio ko pado ama saevo ta ko katiziovi mekasi vokale kude. Vota raura kala kiadama piza kama auvana poso kasi azo.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.