Kolosi 2:9 - BAṈARA KO VAIRU AMA LEVELEVEO

⁹ Ako koa pado ama ni noqola kama ni okotoma Baṉara ko saevo ni kalo ta ko eva ni ko saeva Karisito tona, voko maba elo kale.

Kolosi 2:9 교차 참조

Matiu 1:23

“Kama pado vairu ama sinaqu rusu ta epia kota elou, melai kota pado ama, puliala sipole o ikako, ni kota ko alilivou kala meqora, ni vota kovai nokailou voko ṉi ta Imanuela.” Koa ṉi ko kio ni kalo ta “Baṉara ta omadeu o melati eva anime.”

Luke 14:22

Nio voa nabulu ta mata o olake ni opa odiemake se, ni o vaitake ni eri kiolake, ‘Lekasa, ko quli ṉoṉo lati soruekako quli aṉa ta lula a ereka, melai ko pade ta pui nio ko sukata,’ kiolake.

Luke 3:22

ni vo Tabu ala Auvana ta o saqorake vo tona, ni voa Auvana ko velo ta ova kurou jari ala. Ni vota o viqake ko kora aukale azo ama ko eri kikolako, “Ṉota a ṉavivo meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikolako.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 1:16

Voko qulepo ama roquano kale vota mauru mati o imelake animea kiada mela kubo keve kale.

Jone 10:30

Ako vo Mama ni aṉa ta omadeu qela sole,” kiolake.

Jone 10:38

tu meko kelo kale koa iruruputo meta me uria paqumukou vo Mama ta aṉa tonala, ni aṉa melai vo Mama tona lala kio,” kiolake.

Jone 14:20

Ni koa taku ko barolou keru inio meta melai nianiiovou ta aṉata a Mama tona a eva ni mata meta meqai nianiiovou ta meta aṉa tona omadeuvo aṉata me tona jari.

Jone 17:21

Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Jone 2:21

Melai Baṉara ko Jelepade ka kiovema vo Jisu koko kalo ta voko tupu ikio.

Iruruputo 17:29

Animeta vo Baṉara ko meqora poso mela so sole voko Baṉara puilo ta pui qolo ni siliva ni lado beku jaria kerukerueko me elou, ko maba madu ke erekako seko ṉase kale ama iruruputo ni kerukeru kale.

2 Koriniti 5:19

Koa eṉeko koidi ta kai bazubazuto ta vo Baṉara ta pui omai vaitoeka se maba poso ko sarueko poso ko vaitotola, ni vota lula o katiṉela eṉea apositolo ṉela koa bazu voko ka zario mati odouvikinio sea kiadama maba poso seko omadeu vati elo vo Karisito kale ko sama.

Kolosi 1:19

Ako o ṉavi Baṉara ko vatolo kale inio pado ama voko saevo ni kalo ta Karisito tona ko eve.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

1 Jone 5:7

Ni zouke quli kio kasa ko ivako vo Jisu: