Kolosi 2:8 - BAṈARA KO VAIRU AMA LEVELEVEO

⁸ Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

Kolosi 2:8 교차 참조

Matiu 10:17

So inio meta me balauvou, ako kake maba poso ta ke melati ziovou sole me titizikinio kale, ni ke pazomelou seko ilusato ko pade kale.

Matiu 16:6

Ni Jisu ta eri ma kiolake se, “Meta vaitomo ni taka balauvomo se Parese madu ni Sadiusi madu ko isiti,” kiolake.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Iruruputo 17:18

Ni kake nianiioma pesio sama maba poso Ipikiuriani ni Sitoiki nianiiekato ko poqala kale amu melai kekai zomanake vati aivekinio vo. Nio kake ta eri kikelake, “Nonia kirikirimato inio o evani nea maba?” Ni mata kake ta ke opatake ni eri kikelake, “Vota okai bazubazuta jari avo kama edoloma baṉara poso.” Seta so kikelake ako Paula ta okai bazubazutake vo Jisu ko mata saevo voukale azo sole.

Iruruputo 17:32

Ni so keru seke viqe keru koa mata saevo voukale azo inio kake ta kevai balebaleitake vo, melai kake ta eri kikelake, “Eṉeta ṉeqa zaria taṉa viqo mata ko ṉo ṉoqai bazutako quli,” kikelake.

Romu 16:17

Aṉata a basemela me a visi poso mela: tu tama balauvomo se pitasato ko maba poso ni seke niumaekani maba ko oqu ni se ruqea kaseko ke evani koa nianiiekato ko me lula me qoema. Meta tama papariomo se!

1 Koriniti 10:12

So sole kalaṉa pizaka lojo ṉo eva kiṉolani ṉa ta ṉo matu balauvou tu ṉota pui ṉo bialou.

1 Koriniti 8:9

Sole meko utu vuato ta pui kaitikaiti ama. Melai meta kerukeruemomo sea maba poso se lekuleku ama kerukeru samu, se sarueko ka kikelani beku kasi ko puariziako sailao ko kuo tu pui memai pikou se sarueko ka kikelako quli kale.

2 Koriniti 10:5

eṉeta ṉe qoqotaeka kiadama lipalipa kama rauraraurailo koko tizaemake se maba poso tu pui kevai nianiio vo Baṉara; eṉeta ṉe lilika maba poso ko kerukeru tu seta kevai zoriko vo Karisito.

Qelesia 1:14

Ni aṉata kala matu roverove ala maba lala se Jiu amu ko lotu kale, ni aṉata abe mai paloasake matu kubo madu aṉa kale amu, ako aṉata a matu madoekake tu a lulueko eṉeko taite poso ko vikuvikula bazu sole.

Qelesia 4:3

Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Qelesia 4:9

Melai erisaṉa inio meta mevai uria nianiia vo tuvevo ala Baṉara, ma esa matu uri tu eri kiavou, voa tuvevo ala Baṉara ta o melai nianiia me. So sole loma kaqe inio meta mata me vaita koa lekuleku ama ni utube ama bazu kale ko meme luluekema jari ama koko paloasako taku kale? Meqai zaria tu mata mabaku me elo?

Qelesia 5:15

Melai meta mebeta ziovou niumaniumaekinio ni periperikinio ta mainio meta mebeta maba ruvurou. Meta piru ama biaṉa ko nanaekinia ni ko niamuniamuekiniako jari meda kava sole!

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 4:20

Melai koa nianiiekato meme qoema vo Karisito kale avo ta pui soama quli kio.

Epesasi 5:6

Ni meta pui zariemo kake tu ke saruemelo me lipalipa kama bazu kale. Ako koa boutare poso aṉa abe kasekako kale avo inio vo Baṉara ko korakorailo ta komai barolou sole se pui ke zoripatani.

Pilipai 3:2

Meta tama balauvomo sea ruqe ama maba poso sea siele jari amu seke zuruzuruemelani me tu me moveko meko tupu tu ko mamola pueko ta meta vo Baṉara ko mela kio.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Kolosi 2:20

Ako meta lula omadeu me eve Karisito sase, voko voukale, so sole meta lula me vouva vo sase jari. Sokale avo inio meta lula ruparupasia mela ko azaazama auvana poso kasi azo. Nio noi sole inio meta komia peuru ma peuru kale ama maba poso ke kavani jari mebeta kava? Soama kalo ta pui ko malezika mea lotu maba poso mela kasi. Noi sole inio meta me lulueka se maba poso ke melai bazuekako tabu poso,

Kolosi 2:22

Ako soama tabu poso ta ko niumaema se maba poso so keru se kekai iruruputa keru. Koa tabu poso ta maba poso pala ke kasekako tu kekai nianiiekato.

Kolosi 2:23

Tuvevo, soama bazu poso ko kelo ta nianiio sama jaria kelo koko zuruzuruto sama ilusiko kale ko mateana poso, ni koko lipalipa kama zarazarailo kale, ni koko tolaeko ko tupu kale, melai tuvevo avole koa bazu poso ta pui ko malezika, tu kota ko dokolivo vo maba tupu ko zario ko ereko kale azo, ako kota puliama pizato sama sole.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

2 Timoti 3:13

ni se ruqe ama maba madu ni se lipalipa kamu ta matu ti matu ruqe avo ke kalou, ni seta ke lipaemou se edolomu ni ke lipailou ke ṉavi.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

1 Pita 1:18

Ako meta meqai nianiia ta meta kalo pidea saevo me eveni mela meko taite poso ke kaevo jari lulavo. Melai vo Baṉara ta o pakiemele me. Vota o tabarimele me ni o rupasimele me meko taite poso ke erekema jari ama kalo kale azo. Ni ko quli me ko rupasimelema quli ta pui ko quli ko niaqariako quli kale omadeuvo siliva ni qolo.

2 Pita 3:17

Melai me, a lolo poso mela, ta lula meqai nianiiani mela komi quli sole meta balauvomo. Ni pui zariemo se ruqe ama maba madu tu ke odiemelo me tu meqai zomano seke erekako ruqe ama kalo. Ni vailomo nio meta pui lekuleku me elou meko piza kama oqu kale azo.

2 Jone 1:8

So sole meta balauvomo! So inio meta pui meqai suatou koa reketekete ko eṉe lula ṉe melai bazuekema me eṉeko iruruputo kale, melai meta me qovou koa kiadama.