Kolosi 2:3 - BAṈARA KO VAIRU AMA LEVELEVEO

³ Vo o kiada inio o roveani melai nianiiekiko vo Baṉara ko mutamuta kama nianiio.

Kolosi 2:3 교차 참조

Matiu 10:26

“Meta pui meda ma ṉalou sea maba poso. Ako kiadama quli ko mutamuta kama quli ta kasa ko elou sole, ni ko quli ko pui ko puratako ta ko puratou sole.

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Romu 11:33

Vo Baṉara ko nianiio ta matu ti matu raura kama ni voko paqumuko kiadama quli ta noqola kama! Lala inio o roveovou kaseko voko vatolo? Ni lala inio okai nianiiovou voko kalo?

1 Koriniti 1:24

Melai se Baṉara o nokaemani kasi, Jiu amu melai pui Jiu amu melai, komia Bazu ta ko kaseva vo Karisito, vo kasa o ikani Baṉara ko pizato ni ṉisa nianiio.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

Epesasi 1:8

Ni vo Baṉara ta o katimele matuvole ni utuakoi koa pakiezato sama roquano. Kiadama voko nianiio kale,

Kolosi 1:19

Ako o ṉavi Baṉara ko vatolo kale inio pado ama voko saevo ni kalo ta Karisito tona ko eve.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Kolosi 3:3

Ako meta lula meda vovini jaria mela inio, melai meko auvana poso ta ko saeva Karisito sase vo Baṉara o mela tukiekako saevo kale.

2 Pita 1:5

Sokale avo inio meta me matu madoekou tu uri me ikou meko saevo. Meta oqu samela, melai matu madoekomo tu kokale meta kati tuboekomo ko uri ama kalo ni ko nianiio,

Kelokelozato 2:17

“Uri tu meta paqumukomo meme viqako vo Tabu ala Auvana kiolani sikeura lotu qoqono kasi! Seke koqotaeko amu ko ruqe ta a qatimou kama koko mutaima mana. Ni aṉata amai okotimou katimo sea kiadamu ko tapo ama lado, ko vairu ama ṉi kokai rikiziovima, ko puliala kala pado maba okai nianiiako melai vo o koani ko o kiada pado inio okai nianiia.