Kolosi 2:23 - BAṈARA KO VAIRU AMA LEVELEVEO

²³ Tuvevo, soama bazu poso ko kelo ta nianiio sama jaria kelo koko zuruzuruto sama ilusiko kale ko mateana poso, ni koko lipalipa kama zarazarailo kale, ni koko tolaeko ko tupu kale, melai tuvevo avole koa bazu poso ta pui ko malezika, tu kota ko dokolivo vo maba tupu ko zario ko ereko kale azo, ako kota puliama pizato sama sole.

Kolosi 2:23 교차 참조

Romu 13:14

Melai meta emo vo Lekasa Jisu Karisito tona, ni epezomo kerukerueko meko tupu ko zario ni pui taka lulueko koko vatolo.

Epesasi 5:29

Ni puliala maba inio okai kaikuapani o ṉaviko tupu, melai vota o niaeka ni o kati vaila inio. Ni so jari pado inio o ikani vo Karisito ko lotu qoqono,

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Kolosi 2:22

Ako soama tabu poso ta ko niumaema se maba poso so keru se kekai iruruputa keru. Koa tabu poso ta maba poso pala ke kasekako tu kekai nianiiekato.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

1 Timoti 4:3

Soama maba poso ta ke ereka ko nianiiekato koko kaitikako ko roroto ni ko pui me quovou kama sailao poso kio sama. Melai vo Baṉara ta o ereke koa sailao poso tu kuo kaqe, so sole anime me duvevo putani ni meqai nianiiani mela ko tuveano ta me rovea kuo uriavo sama vararaito ko tova.

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.