Kolosi 2:20 - BAṈARA KO VAIRU AMA LEVELEVEO

²⁰ Ako meta lula omadeu me eve Karisito sase, voko voukale, so sole meta lula me vouva vo sase jari. Sokale avo inio meta lula ruparupasia mela ko azaazama auvana poso kasi azo. Nio noi sole inio meta komia peuru ma peuru kale ama maba poso ke kavani jari mebeta kava? Soama kalo ta pui ko malezika mea lotu maba poso mela kasi. Noi sole inio meta me lulueka se maba poso ke melai bazuekako tabu poso,

Kolosi 2:20 교차 참조

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

2 Koriniti 10:3

Tuvevo eṉeta ṉe eva komia ruqe ama peuru ma peuru kale, melai eṉeta pui ṉe qati pazokinia ko ruqe omadeuvo komia peuru ma peuru kale amu ke mati pazokinia jari seko kana madu.

Qelesia 4:3

Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

Kolosi 2:14

Lulavo animeta kuiripato samela, ako animeta me bikoirike Baṉara ko bazu poso sole ko anime kuiripato saṉa ko imelema. Melai vota ota mela maba saqaeke koa sarueko poso vo Karisito kai patoilo ni voukale korosi topi.

Kolosi 2:16

So sole meta pui zariemo kake tu seta kuiripato saṉa ke imelo me, me ko melai bazueko kale ko “pui kuo kama sailao” ma “pui nozueko ko ju,” ma meko “tabu iko kama ṉaniu poso,” ma meko “tabu iko kaboso kokai puratako ṉaniu poso, ma sabati ṉaniu.”

Kolosi 2:21

koko kasekako “meta pui me qamakou soama quli,” ma “pui me quovou soama quli,” ma “pui me dibaekou soama quli?” Soama tabu poso ta pui ko male tu lulueko.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

Kolosi 3:3

Ako meta lula meda vovini jaria mela inio, melai meko auvana poso ta ko saeva Karisito sase vo Baṉara o mela tukiekako saevo kale.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.