Kolosi 2:19 - BAṈARA KO VAIRU AMA LEVELEVEO

¹⁹ Melai seta keta pitasia Karisito kasi azo, vo o mati vailani se voko lotu qoqono kale amu, omadeuvo ko lezu ko kati vaila jari ko tupu. Karisito ta o kati vaila voko lotu qoqono ni o pizatika ko tu kota ko pizato omadeuvo ko tupu ta sailao kale ko uria pizata ni ko rapuka jari. So inio vo Baṉara ko zario.

Kolosi 2:19 교차 참조

Luke 5:38

Kota pui so ko kalou! Ko vairu ama vaini ko ju ta ko raibiziovou uria vairu ama teamuteamu kale!

Jone 17:21

Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

1 Koriniti 11:3

Melai aṉata aqai zaria tu melai bazueko ko rekoreko ko bouluko ko lezu. Vo Karisito inio raura kala kiadama maba kasi azo, sole vota sevo lezu jari ala. Ni vo roroto ala lasive ta raura kala voko reko kasi azo, sole vota kovo lezu jari ala. Ni vo Baṉara inio raura kala Karisito kasi azo, sole vota vovo lezu jari ala.

1 Koriniti 3:6

Aṉata a bapakeni lala meko oqu ko rui, Apolosi ta o sitekeni koa papapapa jukale, melai vo Baṉara inio o qotupikeni.

Epesasi 1:22

Ni vo Baṉara ta o vaekake kiadama quli vo Karisito ko pizato ko vima, ni kiadama quli ko lezu o ivake voko lotu qoqono kale.

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.

Epesasi 2:21

Ni koa pado ama pade ta Jisu Karisito inio obe vinaeka. Ni vo inio obe rapukika inio kota vo Baṉara ko Jelepade kota eva.

Epesasi 4:3

Ni meta omadeu emo vo Tabu ala Auvana ko bule kale, ni meta matu madoekomo ni omadeu beta zio emo voko bule kale. So inio voko bule ta omadeu ko imelou me.

Epesasi 5:29

Ni puliala maba inio okai kaikuapani o ṉaviko tupu, melai vota o niaeka ni o kati vaila inio. Ni so jari pado inio o ikani vo Karisito ko lotu qoqono,

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Kolosi 1:18

Vo inio koko lezu voko lotu qoqono, ni vo inio koko raki koko saevo, vo inio vo kuleto ala vo o saeveni voukale azo, tu vo o kiada ta raura o elo kiadama quli kale azo.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

1 Tesalonaika 3:12

Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.

1 Tesalonaika 4:10

Ni meta lula me ereka koa kalo sea kiadama lotu tamania madu kasi koa kiadama Masedonia. Melai eṉeta ṉe basemela me ṉe visi ni kaka poso mela tu meta beta olamo ni kai matu paloasomo roquekinio.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.