Kolosi 2:16 - BAṈARA KO VAIRU AMA LEVELEVEO

¹⁶ So sole meta pui zariemo kake tu seta kuiripato saṉa ke imelo me, me ko melai bazueko kale ko “pui kuo kama sailao” ma “pui nozueko ko ju,” ma meko “tabu iko kama ṉaniu poso,” ma meko “tabu iko kaboso kokai puratako ṉaniu poso, ma sabati ṉaniu.”

Kolosi 2:16 교차 참조

Matiu 15:11

Pui sailao vo maba o kuako ikio ruqe ko iva vo Baṉara ko vilu kasa, melai ko pesio koko saqorako voko suto kale azo ikio ruqe ko iva vo maba Baṉara ko vilu kasa.”

Maka 7:19

ako vo maba o kuako quli ta pui ko ola voko bulo kale sole, melai voko siapa kale inio ni mata kota ko saqora.” (Jisu ko so kio ta kiadama sailao ti uri ko kiada tu me quovou anime.)

Iruruputo 15:20

Melai animeta me rikieko kama pado leta sekasi tu me bazuemo tu seta pui ke kuo ko sailao ko lula ko katiziako beku poso kasi, ako kota tabu tu kuo sole; tu ke balauvo ke ṉavio kude pauvezato ereko kale azo; ni seta pui ke kuo ke rouraekako biaṉa ni dara.

Romu 14:10

So sole ṉo, ṉo pui ṉo quani ṉa ko marabau, ta noi sole inio ṉota kuiripato saṉa ṉo iva ṉovo visi? Ni ṉo, ṉo utu kuani ṉa kiadama sailao poso, noi sole inio ṉota ṉovai kedua ṉovo visi? Ako animea kiada mela ta me lojou vo Baṉara ko kuleto voko titizato kale sole.

Qelesia 4:10

Ako meta mebe lulueka inio Jiu mu ko ṉaniu poso, ni kaboso poso, ni seko ṉojola poso, ni sabere poso ko nianiiekato sole.

Kolosi 2:20

Ako meta lula omadeu me eve Karisito sase, voko voukale, so sole meta lula me vouva vo sase jari. Sokale avo inio meta lula ruparupasia mela ko azaazama auvana poso kasi azo. Nio noi sole inio meta komia peuru ma peuru kale ama maba poso ke kavani jari mebeta kava? Soama kalo ta pui ko malezika mea lotu maba poso mela kasi. Noi sole inio meta me lulueka se maba poso ke melai bazuekako tabu poso,

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

Hiburu 9:10

Koa katizato poso, ni siqasiqa poso, ni mata sailao ni ju ni lomaloma ko bulebule iko ko bazu, ta tupu kale ama quli ko bazu vo Baṉara o puarikema puju ama taku kaqe pala ni kota kota paita voko besieko kale kiadama quli.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.