Kolosi 2:15 - BAṈARA KO VAIRU AMA LEVELEVEO

¹⁵ Koa korosi topi Karisito ta o koqotaekake kiadama ziolo poso ko pizato. Vota uria zakaremu oma ikake se maba poso vo inio vo raura kala, vo o koqotaekani ko ziolo poso.

Kolosi 2:15 교차 참조

Matiu 12:29

Puliala maba ta opa roveovou amaqeo vo piza kala maba ko pade kale, tu ota va kuiliko voko lomaloma, melai vota o pirievou voa piza kala maba kuleto, Saita inio vota o amaqeovou voko pade kale ni ota va kuilikou kiadama voko lomaloma. So jari nio aṉa. Aṉata pizato salala tu koqo a ivo vo Setani ni voko vaki.

Luke 10:18

Nio Jisu ta o mati tiorikake se ni eri kiolake, “Aṉata ada va keve vo Setani ko pialo kapi jari aukale azo.

Luke 11:22

Melai so keru kala pado matu piza kala maba ovai kasakea ni o koqotaeva keru vo, vota ota va koa kiadama voko pazokinio ko lomaloma vo okai keruako tu ko pakievo ka kiolako, ni voa matu piza kala ta oma puarika voko lolo poso koa zaṉeo.

Jone 16:11

Ni seta ke saruiva kerukerueko ko seta pui kepa kovou ko titizato kio, ako komia ruqe ama peuru ma peuru kale amu vo lekasa, vo Setani, ta lula ota titizia sole.

Jone 19:30

Ni Jisu ta o kuzuekake koa vaini ko ju ni sai nio vota eri kiolake, “Kota okota kiadama iruruputo!” kiolake. Ni vota o loqunikake voko lezu ni ko vaevake voko auvana.

1 Koriniti 15:24

Ni koko paitopaito kale vo Karisito ta o koqotaemou kiadama koko lekasa puako ziolo poso, koa azaazama pizato sama, ni vota o kativou vo Baṉara Mama kiadama quli ko lekasa puo.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Epesasi 3:10

Ako voko zario ta erisaṉa pado inio kiadama mateana madu ni kiadama ko lekasa puako ziolo poso ta melou vo Jisu ko lotu qoqono, nio kekai nianiiovou vo Baṉara ko nianiio kiadama quli kale.

Epesasi 4:8

So inio ko Tabu ama Riki kikovevo ta eri, “So keru vo o koivi keru raura vasi, vota o odieme se piripiri amu. Ni vota o katime ko puaro poso se maba poso.”

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Kolosi 1:16

Ako vokale kude inio Baṉara ta o ereke kiadama quli aukale ama ni miduku kale ama koko keazaivako vilu kale ni pui ko keazaivako quli, ko piza kama auvana poso, ko auvana lekasa poso, ni vailo ko auvana poso, ni kiadama auvana ko pizato poso. Baṉara ta o ereke kiadama quli vokale tu vo kaqe.

Kolosi 2:10

Kokale inio ko pado ama saevo ta ko katiziovi mekasi vokale kude. Vota raura kala kiadama piza kama auvana poso kasi azo.

Hiburu 2:14

Anime vo sasarusu mela mela kiolani mela, ta me jaevani mela marabau ni dara kale, so sole o ṉavi Jisu ta anime jaria maba o evake ni okai saevake ko tupu kale ama saevo. Vota maba o evake tu voko voukale ta o niumaevo vo Setani, vo vou ko pizato sala.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 20:10

Nio vo Setani, vo o lipalipaemani se, ta ke risaevou nai sama uza ko urusana ko tiania, sai vo biaṉa ni vo lipalipa kala poropita lula ke risaekakoi. Sai nio sea zouke ke kovoa koi ko noqola kama tola ipu ni ṉaniu, latau ṉaniu ni ka ṉaniu.