Kolosi 2:13 - BAṈARA KO VAIRU AMA LEVELEVEO

¹³ Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

Kolosi 2:13 교차 참조

Luke 15:24

Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 9:60

Ni Jisu ta o tiorizatake ni eri kiolake, “Vaema se pui kekai baroani ko auvana kale ama saevo tu ke mutamo seko vouma maba poso. Melai ṉota pa kai bazubazute vo Baṉara ko lekasa puo,” kiolake.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

Jone 6:63

Vo Baṉara vo Tabu ala Auvana inio o saevizatani, maba ko pizato ta puliama saevizato sama. Koa pesio poso aṉa lula a qasekako mekasi ta pizato sama tu kota ko vati kilo vo Baṉara vo saevizato sala Auvana.

Romu 4:17

omadeuvo ko Tabu ama Riki kikolani jari, “Aṉata taite a iṉa ṉo kubo toutou poso vo ṉa.” So sole koa leveleveo ta uri ama vo Baṉara ko vilu kasa, vo Ebarahami ovai oquini—voa Baṉara vo o saevimani se voumu, ni voko bazu kale o puratikani ko pui kopa ereima quli.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

1 Koriniti 15:36

Kota sarube ama kuimanao! So keru ṉoṉo bapava keru kala rui miduku ko omele, ta pui opa roveovou qotupo puliako vou.

1 Koriniti 15:45

Ako eri nio ko Tabu ama Riki kikolani sole, “Vo kuleto ala maba Adami ta o ereivake ni saevola maba o evake.” Melai vo tovatovala Adami, vo inio vo Jisu, voa auvana vo o katimani ko vairu ama saevo.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 5:19

Koa eṉeko koidi ta kai bazubazuto ta vo Baṉara ta pui omai vaitoeka se maba poso ko sarueko poso ko vaitotola, ni vota lula o katiṉela eṉea apositolo ṉela koa bazu voko ka zario mati odouvikinio sea kiadama maba poso seko omadeu vati elo vo Karisito kale ko sama.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:11

So sole me pui Jiu mu mela meko alilo kale, meta kerukeruekomo ko eri. Se Jiu mu ta ke melai kuirika meta pui me moveivani mela, melai ke ṉavi nio ke moveivani nio kikelani. Melai koa moveilo ta maba ko erekako tupu kale ama pala ikio.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Timoti 5:6

Melai koa naboko koko pauvezatako ta kota lula kota vouva jari so keru ko kobeta saeva keru.

1 Timoti 6:13

Vo Baṉara ko tanama kale, vo o katikani ko saevo kiadama quli, ni Jisu Karisito ko tanama kale, vo o uria kasa puekeni voko oqu vo Ponitiasi Paelati ko kuleto, aṉata a bazueṉa ṉo

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Jemisi 2:17

Soama oqu ta puliama iruruputo sama ni kota vouma ni utu ama.

Jemisi 2:20

Ṉoa sarubea laṉa! Ṉota ṉoqai zaria tu aṉata kasa a iko koa oqu iruruputo pide ama ta vouma, kio? Ta eri nio.

Jemisi 2:26

So inio, ko auvana pide ama tupu ta vouma, ni so jari nio ko iruruputo pide ama oqu ta mata vouma.

1 Jone 2:12

Aṉata a mela rikita me, a meqora poso mela, ako meko sarueko ta kota mela akoiva sole vo Jisu Karisito ko kio kale.