Kolosi 2:11 - BAṈARA KO VAIRU AMA LEVELEVEO

¹¹ Meko omadeu vati elo kale vo ta meta lula me qoa meko auvana kale ama mamola. Karisito inio lula soa mamola puemelo o eva voko rupasimelo kale me sarueko ko pizato kale azo. Koa mamola ta omadeuvo se Jiu amu ke erekako moveilo ko mamola jari, ko seke erekako seko tupu kale ama, melai koa mamola meko ta pui maba o erekako melai Karisito o erekako ikio.

Kolosi 2:11 교차 참조

Maka 14:58

ni eri kikelake, “Eri nio kiolani nea maba, ‘Aṉata a biresukou komia maba ko erekema Jelepade ni zouke ṉaniu kale inio a baikou orumuko koa Jelepade maba pui kopa kai roveovo ama orumuko,’ nio kiolani,” kikelake.

Luke 2:21

Ni siotolu ama ṉaniu kale inio voa salua ta ke movevake ni seta kevai nokaekake voko ṉi ta Jisu, koa ṉi vo mateana o kativema vo puliako vo siapa kale elo.

Iruruputo 17:24

Voa Baṉara vo o erekeni ko peuru ma peuru ni kiadama quli sai ko evako ta au ni miduku vo Lekasa pui o loivani maba madu ke erekako jelepade poso kale.

Iruruputo 7:48

Melai vo matu Raura kala Baṉara ta pui se maba madu ke erekema pade poso kale inio o evani. Vo poropita Aisea kiovevo jari,

Romu 2:29

Melai vo tuvevo ala Jiu ta vo Jiu o evani bulo kale inio, ni koa tuvevo ama moveilo sala voko bulo kale ni auvana kale, ni ko ikio vo Baṉara ko Auvana ko erekako, pui Mosese ko Bazu ko erekako. Voa maba soala inio o koa ko raurailo vo Baṉara kasi azo ama, pui maba kasi azo.

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

Romu 7:24

Ke, aṉata matu upotuqu ada eva! Lala inio o pakielou aṉa komia tupu vou sama kasi azo?

2 Koriniti 5:1

Ako eṉeko tupu komia miduku kale ama ta omadeuvo kama tepe pade ko eṉe puju ama taku kale ṉeqai evako jari. Ni eṉeta ṉeqai nianiia komia tepe pade eṉe ṉeqai evako ko rotiziovou keru ta vo Baṉara ta o katiṉelou eṉe ko paito pide ama saevo ko tupu o ṉavi o ereko ama, ni kota eṉeko noqola kama pade jari aukale ama peuru kale.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

Hiburu 9:11

Melai komia taku vo Karisito ta lula Ṉisa Siama okai eva ko uri ama quli ko lula ko baroako. Vota lula okai amaqea koa qulepo ama ni korotoma tepe pade. Koa tepe pade ta pui maba madu kepa erekema ni kota pui komia peuru ma peuru ko kama kena.

Hiburu 9:24

Karisito ta lula o amaqeovi aukale ni vota o lojoa erisaṉa vo Baṉara ko kuleto tu o tauvemelo anime. Vota pui opa amaqeovi maba ko erekako tabu ama tepe pade kale koko mela mamola puekako pala anime koa zae sai vo Baṉara o evakoi.