Kolosi 1:9 - BAṈARA KO VAIRU AMA LEVELEVEO

⁹ Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

Kolosi 1:9 교차 참조

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Iruruputo 12:5

So sole Pita ta obeta evake pirito pade kale, melai se lotu maba poso ta pui ke lalamatake vati matu vararaito vo Baṉara kasi.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

1 Koriniti 1:5

Ako meko omadeu elo vo Karisito kale ta meta lula roverovea mela kiadama quli kale sole, kiadama meko pesio kale, ni kiadama meko nianiio kale.

Epesasi 1:8

Ni vo Baṉara ta o katimele matuvole ni utuakoi koa pakiezato sama roquano. Kiadama voko nianiio kale,

Epesasi 5:10

Ni meta madoekomo tu kai nianiimo loma quli kio ko zolevo ama vo Baṉara.

Epesasi 5:17

So sole meta pui me jarube puekou meko saevo. Melai kai nianiimo loma quli kio vo Baṉara okai zariako tu meta me erekou.

Epesasi 6:6

Ni meta pui me vilua nabuluputou so keru seke mela lea keru me pala. Melai meta tuvevo avole me zorimou se omadeuvo meta me zoriva jari vo Karisito. Ni meko pado ama bulo kale meta erekomo ko quli vo Baṉara oka zariako quli.

Pilipai 1:4

ni kiadama taku aṉata a melati vararaita mea kiada mela a zoleilo sate.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

Kolosi 4:5

Meta nianiio emo meko iruruputo kale se pui ke tuvevo putani maba poso kasi, tu meko taku ta pui ko ṉamuilo meko kaseko keru ko Uri ama Bazu.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 5:17

vararaitomo kiadama taku poso kale,

2 Tesalonaika 1:11

Sokale avo inio eṉeta ṉe melati vararaita me kiada keru. Eṉeta ṉe baseva vo animevo Baṉara tu meta me malezikou koa reketekete vo o melati nokaekema, ni vota o katimelou ko pizato tu uri ama kalo saṉa me elou ni uri ama iruruputo me erekou omadeuvo me meqa zariani jari. Meko tuvevo puevo animevo Lekasa Jisu kale avo inio meta meqa zariani mela koa uri ama kalo ni iruruputo.

Pilimone 1:4

A baerebaere Pilimone ṉa, kiada keru aṉa a vararaita keru aṉata a qaseṉa ṉo ni a qativa ko uriavo aṉavo Baṉara.

Pilimone 1:6

Aṉako vararaito ta ṉoko oqu ko puratikako tauvezato sama roquano ta ko pizatou ṉoko uria paqumuko kale kiadama mauruto ko anime me qoako animeko omadeu vati elo kale vo Karisito.

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

1 Pita 2:15

So sole meta uri me erekou, ni so inio se sarube ama maba poso ta pui ke melai kuirikou ruqe ama quli seko kalo pide ama pesio kale. Ako so inio vo Baṉara oka zariani sole.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

1 Jone 2:17

Ni komia peuru ma peuru ta kota ruvurou ni kiadama quli se maba poso kekai zariako komia peuru ma peuru kale melai kota ruvurou. Melai voa maba vo o ereko ala vo Baṉara okai zariani nio o saevou noqola kama saevo kale.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.