Kolosi 1:29 - BAṈARA KO VAIRU AMA LEVELEVEO

²⁹ Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

Kolosi 1:29 교차 참조

Luke 13:24

“Meta matu madoekomo tu kai amaqeomo ko riro ama veutu, koko odiemelo ama me noqola kama saevo kale, ako kubo maba madu ta tuvevo ke madoekou tu amaqeo sai, melai seta pui kepa roveovou.

Romu 15:20

Aṉako matuma zario ta aṉata aqai bazubazuto ko Uri ama Bazu sai vo Karisito ko ṉi sai pui nio keta va viqakoi zama peuru poso kale, ako aṉata pui aqa zaria iruruputo sai kala maba lula o tanitekoi iruruputo sole.

Romu 15:30

Aṉata a matu pasemela me a visi poso mela, vo animevo Lekasa Jisu Karisito kale ni vo Tabu ala Auvana o puarikake roquano kale, tu meta matu tauvelomo aṉa ni lati zomanomo vararaito vo Baṉara kasi.

1 Koriniti 12:11

Voa omadeula Auvana kasi azo inio ko kueva ko pizato tu me ereko kiadama komi quli; o ṉaviko vatolo kale inio vota o katima azaazama iruruputo ko pizato omaomadeu maba.

1 Koriniti 12:6

Ikoana azaazama koidi tu me ereko, melai voa omadeula Baṉara inio o bokerimelani animea kiada mela tu me ereko koa koidi.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 13:3

Aṉata so a qalou, ako meta meqa zaria tu ko tuvevo puilou ko vo Karisito ta o pesia aṉa kale kude kio. So keru vo o sidopu puemelou keru me vota pui lekuleku ama keve kale inio opa erekou. Vota kasa o ikou voko matuma pizato mekasi.

2 Koriniti 5:9

So inio kiadama quli kale azo, eṉeta ṉeqa zaria tu zolevo vo so keru ṉeqai saeva keru eṉeko koi zama tupu ma sai zama tupu melai.

2 Koriniti 6:5

Eṉeta lula ke pazoṉela, ni ṉe eva pirito pade kale, ke ṉelai kasakea lula, eṉeta duki ama iruruputo ni olaqua dudeo saevo ni luapo ṉe eva.

Epesasi 1:19

Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 3:20

Vo Baṉara ko pizato koko iruruputako anime kasi ta ko rovea ereko ko kokai paloasako kiadama quli anime me basekako quli ni me qerukeruekake quli,

Epesasi 3:7

Ni vo Baṉara ko roquano sama puaro kale inio vota o puarike komia koidi aṉa kasi, inio aṉata nabulu a eve tu aqai bazutou ko Uri ama Bazu. Ni vo Baṉara inio o katile koa roquano sama puaro o ṉaviko pizato kale.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 1:30

Ako meta aṉa sate meda eva pazokinio kale ni koa pazokinio ta koa omadeuma ko me mebe kevema aṉa a qati pazokinieni koko paloasako taku kale, ni koa omadeuma pazokinio ko mebe viqako ikio aṉa abe kati pazokiniako erisaṉa.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Pilipai 2:16

Ni meta mai bazuekomo ko tuvevo ama saevo ko bazu. Ni meta me erekou ko inio aṉata ada matu zoleilou so keru vo Karisito o vaitou keru ako aṉako matuma iruruputo mekasi a erekema ta pui utu ama ko eva sole.

Kolosi 2:1

Aṉata aqa zaria bazuemelo me aṉako mela matu koidipo me, ni se Leodisia mu, ni kiadamu se pui ke toraelani aṉa.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Tesalonaika 2:9

Eṉeko visi poso mela, meta me qerukeruekou inio eṉeko matuma iruruputo mekasi ama. Ako eṉeta ṉe irurupute ipu ni ṉaniu tu eṉeta pui matu riteraite ṉe imelo me eṉeko kai bazubazuto kale mekasi ko Uri ama Bazu vo Baṉara kasi azo ama.

2 Tesalonaika 3:8

Ni eṉeta pui ṉeba utu koe kala kasi azo ko sailao, melai eṉeta ṉeda matu ti matu irurupute ipu ni ṉaniu, tu puliala me azo ta ṉamuzato saṉa ṉe ivo.

2 Timoti 2:10

so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.

Hiburu 12:4

Meko kati pazokinio tu tizaeko ko sarueko ta pui nio ko kati ijatinia puekinia tu meta meqai vou.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

Kelokelozato 2:3

Meta me bizaka lojoa, ni lula ko tolaemela ko tapata poso aṉako ṉikale avo, melai meta pui koqo me eva.