Kolosi 1:24 - BAṈARA KO VAIRU AMA LEVELEVEO

²⁴ Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Kolosi 1:24 교차 참조

Maka 10:39

“Zio, eqeta inaina kaqela tu qe tolailo ni bapitaiso qe elou ṉo sase,” kiqolake.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

1 Koriniti 12:27

Ni mea kiada mela ta vo Karisito ko tupu mela muli, ni meta voko tupu ko kata poso mela.

2 Koriniti 12:15

Ni aṉata aqai zoleilou tu ṉamuko kiadama aṉako lomaloma ni aṉako pado ama saevo meko tauvemelo kale. Noi nio? Ko meko roquelo aṉa ta saratata ko elou ako aṉata a matu roquemela me sole kio?

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

2 Koriniti 7:4

Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 3:13

So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Kolosi 1:18

Vo inio koko lezu voko lotu qoqono, ni vo inio koko raki koko saevo, vo inio vo kuleto ala vo o saeveni voukale azo, tu vo o kiada ta raura o elo kiadama quli kale azo.

2 Timoti 1:8

So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,