Kolosi 1:23 - BAṈARA KO VAIRU AMA LEVELEVEO

²³ So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:23 교차 참조

Maka 16:15

Nio Jisu ta eri ma kiolake se, “Meta me ziovou kiadama peuru poso kale komia peuru ma peuru kale ni meqai bazutou aṉako Uri ama Bazu kiadama maba poso kasi.

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Luke 6:48

Vota kala pado maba vo o ereveni kala pade jari ala, vo matu saqoro o ikeni ko soqili ni o papuekeni koko vola lado topi. Ni ko nioqololo ta ko saqorake ni ko ibaekake koa pade melai kota pui ko viliake, ako kota lula uria vinavina ereere ama sole.

Jone 15:6

Ni voa maba vo pui o evani aṉa tona ta o ṉamuiva omadeuvo koa kata ko pui ko epamatako jari ta ko ṉamuiva ni ko kajaova. Sai nio seta ke niaqueka soama kata poso ni ke risaeka uza kale ni ko siqaiva.

Iruruputo 1:17

Jiudasi ta kala pado animeko poqala kale ala o eveni, vota lula o pitoi tu o ereko voko kena animeko iruruputo,” kiolake.

Iruruputo 1:25

tu vota apositolo jaria nabuluputo o elo Jiudasi ko zaekale, ako vo Jiudasi ta o epeini ni o keveni voko male ama zaekale sole,” kikelake.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 2:5

Ni kake Jiu amu ta inisiana Jerusalema ke eveni, Jiu amu ko lotu ko piza kama maba poso seke kuevini sipole kiadama peuru ma peuru kale azo.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 26:16

Melai ṉota zolai ni loje. Aṉata kasa aṉai eva ṉo ako a bitoeṉa ṉo tu ṉota aṉavo nabulu ṉo elou. Ṉota ṉomai bazuekou maba poso ṉoṉo ilania lelo aṉa vairutu ni ko quli aṉa aṉa kaseko ama quli ko kilo ama taku kale.

Iruruputo 4:12

Vokale ko kiada inio animeta me roveovou pakio; ni puliala mata kala peuru ma peuru kale ala ta opa katimele vo Baṉara tu vota o pakiemelo anime,” kiolake.

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

Qelesia 4:11

So inio aṉata duki a mela eva me, ako aṉako ṉalo ta aṉako iruruputo a erekako mekasi ta esa utu ama kota eva sole.

Qelesia 5:5

Melai eṉeta oqu kale, ni eṉeko tuvevo puto sama kerukeru kale ni vo Tabu ala Auvana ko zuvarato kale inio eṉeta ṉebe tareka vo Baṉara ko sidopu iṉelo eṉe.

Qelesia 5:7

Meta matu uria zio mebeta eve meko vai oqu vo Karisito meko matuma madolo kale, sole lala inio o dokolimele meko lulueko kale ko tuvevo ama keve?

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

Epesasi 2:21

Ni koa pado ama pade ta Jisu Karisito inio obe vinaeka. Ni vo inio obe rapukika inio kota vo Baṉara ko Jelepade kota eva.

Epesasi 3:17

Ni aṉata a vararaita vo Karisito tu meta mevai oquvou tu vota o elou meko bulo kale, ni aṉata a melati vararaita me tu meko saevo ta ko pizatou roquano kale ni me rapukou roquano kale.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Kolosi 1:25

Aṉako ka nabuluputo ko lotu qoqono ta lula Baṉara olai pitoekema aṉa tu a dauvemelo me aṉa kai bazubazuto kale pado ama vo Baṉara kasi azo ama bazu.

Kolosi 2:7

Meta rakimatomo ni vinaekomo meko saevo vo tona, ni pizatomo meko oqu kale, ko lula me viqema nianiiekato jari. Ni meta kativomo vo Baṉara meko uriavo kiadama quli kale.

1 Tesalonaika 3:3

tu puliala me azo ta o vaekou voko oqu komia niumaniumato poso kale avo. Meta me uria paqumuka me ṉavi koa niumaniumato soama ta vo Baṉara ko vatolo ikio tu anime kaqe.

1 Tesalonaika 3:5

Sokale avo inio aṉata a joroeve vo Timoti. Aṉata maba pui a rovea ibu aṉako pui kai nianiio kale meko ziozio, so inio aṉata a joroeve vo tu vota okai nianiio meko oqu ko kavani. Ako aṉako matuma ṉalo ta esa tuvevo avole lula inio o zolizoliemela me vo Setani tu meta me vaeko meko oqu ni kiadama eṉeko iruruputo ta kota utu ṉamuiva kiala inio!

1 Tesalonaika 5:8

Melai anime vo ṉaniu ko mela, ta inobe elo me elo. Animeta mevai oqu ni me roquevo vo Baṉara, ni kota ko qaramu-melou anime omadeuvo parani ala ko bako ko qaramuva vo jari, ni animeta piza kavole meqai keru vo Baṉara ko pakiemelo anime, omadeuvo pazokinio ko maba okai kerua jari voko zokele ama tarapae.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

Hiburu 10:38

Se aṉako sidopu ama maba madu ta ke tuvevo putou nio seta ke saevou; melai kala se azo ta o vaitou kutumana kale aṉa kasi azo, ta aṉata pui aba vai zoleilou vo,” kikola.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

Hiburu 6:19

Koa keru animeko ta animeko saevo poso ko titi. Kota vinavina ni tuvevo ama, kokale animeta me amaqea koa suma otu kale kude koa Matu Tabu ama Zae ko poro kale, sai Baṉara o evakoi.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.